|
|
 |
| (GMT+08:00)
2006-07-10 09:23:59
|
 |
|
ຈີນຊ່ອຍປະເທດອາຊຽນທີ່ຢູ່ໃກ້ຄຽງຂະຫຍາຍການປູກພືດແທນຕົ້ນຝິ່ນ
cri
Author: sayvanny
ໃນຫລາຍປີມານີ້,ແຂວງຢຸນນານກັບປະເທດອ້ອມຂ້າງຮ່ວມມືປູກພືດແທນຝິ່ນ,ເຕັກນິກການປູກແລະປຸງແຕ່ງຕົ້ນຢາງພາລາ ເຂົ້ານານ້ຳ ອ້ອຍ ໝາກໄມ້ແຖບຮ້ອນແລະພືດເສດຖະກິດຍາມລະດູໜາວແລະລະດູບານໃໝ່ໄດ້ເຜີຍແຜ່ຢູ່ເຂດຊາຍແດນລະຫວ່າງຈີນລາວແລະລະຫວ່າງຈີນມຽນມາ. ທ່ານຈາວຊຽນມິງ ຕຳຫລວດກອງປາບຢາເສບຄິດເມືອງຫລ້າກິ່ງແຂວງສິບສອງພັ່ນນາຢຸນນານບອກນັກຂ່າວວ່າ, ນັບມາຮອດປັດຈຸບັນ, ພວກເຂົາເຈົ້າໄດ້ຊ່ອຍວິສາຫະກິດ 18 ແຫ່ງປູກພືດແທນຝິ່ນຢູ່ພາກເຫນືອລາວ,ເຊິ່ງມີສິບກວ່າຊະນິດຄື ອ້ອຍ ຢາງພາລາ ໝາກໂມແລະຫຸ່ງສາເປັນຕົ້ນ.ກ່ອນປີ 1999,ເນື້ອທີ່ປູກຝິ່ນຢູ່ສີ່ແຂວງພາກເຫນືອລາວມີເກືອບ 2 ຫມື່ນເຮັກຕາ, ເມື່ອ ສອງຝ່າຍລາວກັບຈີນໄດ້ພະຍາຍາມເປັນເວລາຫລາຍປີ, ດຽວນີ້, ເນື້ອທີ່ປູກຝິ່ນເກືອບບໍ່ມີແລ້ວ.ແຜນການຍຸດທະສາດຫ້າມປູກຝິ່ນຫ້າປີແຕ່ປີ 2001 ຫາປີ 2005 ທີ່ລັດຖະບານລາວວາງອອກນັ້ນໄດ້ບັນລຸຜົນເປັນຈິງແລ້ວ.ທ່ານຈາວຊຽນມິງເວົ້າວ່າ:
ຢູ່ແຂວງຜົ້ງສາລີ, ປະຊາຊົນທີ່ປູກຝິ່ນຢູ່ແຫ່ງນັ້ນໄດ້ຫັນມາປູກອ້ອຍແລ້ວ, ມີຄອບຄົວຫນຶ່ງໄດ້ລາຍຮັບຫລາຍທີ່ສຸດບັນລຸເຖິງ 2 ໝື່ນກວ່າຢວນຕໍ່ປີ.ແຕ່ກ່ອນ,ພວກເຂົາເຈົ້າບໍ່ມີເງິນຊື້ລົດຖີບ, ດຽວນີ້,ຜ່ານການຮ່ວມມືກັບຈີນ,ພວກເຂົາເຈົ້າບໍ່ພຽງແຕ່ຊື້ລົດຈັກໄດ້ທໍ່ນັ້ນ, ຫາກຍັງໄດ້ຊື້ລົດຕຼາເຕີແລະລົດບັນຈຸສິນຄ້າຂະຫນາດນ້ອຍຂອງຈີນອີກ.ຫລາຍໆຄົນໄດ້ມ້າງເຮືອນມຸງຫຍ້າແລ້ວປຸກສ້າງເຮືອນດິນຈີ່ດິນຂໍຂຶ້ນ,ຈົນກວ່າຢູ່ຕາມທາງຍັງໄດ້ປຸກວີລາທີ່ສວຍງາມຂຶ້ນ,ຊີວິດການເປັນຢູ່ໄດ້ມີການປ່ຽນແປງຢ່າງໃຫຍ່ຫລວງ.
1 2 3 4 5 6 7
|
|
|
