ຕຸກກະຕາ ຟູວາແມ່ນສັດນຳໂຊກຂອງງານກິລາໂອລິມ ປິກຄັ້ງທີ29ທີ່ຈັດຂຶ້ນຢູ່ປັກກິ່ງໃນປີ 2008. ສີສັນແລະຫົວຄິດປະດິດສ້າງຕຸກກະຕາຟູວາແມ່ນມາຈາກ 5 ບ້ວງໂອລິມປິກ ພູຜາປ່າດົງ ແມ່ນ້ຳລຳເຊ ອັນກວ້າງໃຫຍ່ໄພສານ ຂອງ ຈີນ ແລະຮູບລັກສະນະຂອງສັດທີ່ໜ້າຮັກ. ຕຸກກະຕາຟູວາແມ່ນສົ່ງນ້ຳໃຈມິດຕະພາບສັນຕິພາບແລະຄວາມບາກ ບັ່ນສູ້ຊົນຢ່າງຕັ້ງໜ້າພ້ອມດ້ວຍຄວາມປາຖະໜາອັນດີງາມທີ່ສະແດງວ່າມະນຸດກັບທຳມະຊາດເປັນມິດກັນຕໍ່ປະຊາຊົນຢູ່ແຫ່ງຕ່າງໆຂອງໂລກ. ຕຸກກະຕາຟູວາແມ່ນຕຸກກະຕາ5ໂຕທີ່ໜ້າຮັກຫຼາຍ, ຮູບຊົງຂອງມັນແມ່ນອອກແບບຕາມຮູບຊົງຂອງປາ, ໝີແພນດາ, ເຍືອງຕິເບດ, ນົກແອ່ນພ້ອມດ້ວຍຮູບຂອງໄຟສັກສິດໂອລິມປິກ. ຕຸກກະຕາແຕ່ລະໂຕມີຊື່ມ່ວນທີ່ຈື່ໄດ້ງ່າຍໆ, ຄື ເປ້ເປ້ ຈິ່ງໆ ຮ່ວນໆ ອິງໆ ແລະ ນີໆ. ຢູ່ຈີນ, ຊື່ພະຍາງຊ້ຳກັນແມ່ນສະແດງໃຫ້ເຫັນຄວາມຮັກແພງຕໍ່ລູກຫຼານ. ເມື່ອເອົາມາໂຮມກັນເຂົ້າ, ກໍ່ແມ່ນຄຳເຊື້ອເຊີນຂອງປັກກິ່ງຕໍ່ທົ່ວໂລກ, ຄື北京欢迎您 ປັກກິ່ງຍິນດີຕ້ອນຮັບທ່ານ.
