|
ນາງຢິ່ນຈ້ຽນມັກງາມ,ແຕ່ບໍ່ກິນແໜງເປັນນັກກິລາແປ້ນໃບລົມທີ່ມັກຖືກແສງແດດ
cri
Author: zs
ຖ້າວ່າຊິງຫຼຽນຄຳບໍ່ໄດ້,ນັກກິລາສ່ວນຫຼາຍກໍຈະຮູ້ສຶກບໍ່ມ່ວນໃຈ,ແຕ່ວ່າ,ເມື່ອນາງຢ່ິນຈ້ຽນ ຊິງໄດ້ຫຼຽນເງິນໃນການແຂ່ງຂັນແປ້ນໃບເຮືອນລຸ້ນມິສຕຼານເພດຍິງແລ້ວ,ນາງຮູ້ສຶກເພີ່ງພໍໃຈທີ່ສຸດ.ນາງບໍ່ພຽງແຕ່ໄດ້ຕາງໜ້ານັກກິລາແປ້ນໃບລົມຈີນຮັບຄະແນນດີອີກເທື່ອໜຶ່ງໃນ ງານກິລາໂອລິມປິກເຊິ່ງຖັດຈາກນາງຈ່າງສຽວຕົ່ງຮັບຄະແນນດີໃນງານກິລາໂອລິມປິກທີ່ບາເຊໂຣນາແລ້ວທໍ່ນັ້ນ,ຫາກຍັງໄດ້ເຮັດໃຫ້ຄົງທັງຫຼາຍຮັບຮູ້ວ່າກິລາແປ້ນໃບລົມຂອງຈີນ ມີລຸ້ນຫຼັງສືບທອດແລ້ວ.ນາງຢິ່ນຈ້ຽນເຫັນວ່າ,ເຂົ້າຮ່ວມງານກິລາໂອລິມປິກເທື່ອທຳອິດກໍໄດ້ມີການສະແດງປານນີ້,ນ້ອງຮູ້ສຶກເພີ່ງພໍໃຈແລ້ວ. "ນັກກິລາຝຣັ່ງທີ່ຊິງໄດ້ຫຼຽນຄຳຜູ່ນັ້ນເຖິງວ່າມີອາຍຸເທົ່າກັບນ້ອງ,ແຕ່ເພິ່ນມີບົດຮຽນຫຼາຍທີ່ເຂົ້າຮ່ວມການແຂ່ງຂັນສາກົນ.ເມື່ອມີບົດຮຽນເທື່ອນີ້,ນ້ອງອາດຈະເອົາຊະນະເພິ່ນໄດ້ໃນເທື່ອໜ້າ."
ຕາມທຳມະດາ,ເຂົ້າຮ່ວມການແຂ່ງຂັນງານກິລາໂອລິມປິກເປັນຄັ້ງທຳອິດ,ນັກກິລາສ່ວນຫຼາຍມັກເຄັ່ງຕຶງທີ່ສຸດ,ແຕ່ນາງຢິ່ນຈ້ຽນພັດເວົ້າວ່າ,ຢູ່ອາແຕນມ່ວນຫຼາຍ. "ນ້ອງບໍ່ໄດ້ຄິດຈັກເທື່ອວ່າມາເຂົ້າຮ່ວມງານກິລາໂອລິມປິກຈະເຮັດແນວນັ້ນແນວນີ້,ມີແຕ່ຖືການແຂ່ງຂັນຂອງງານກິລາໂອລິມປິກເປັນການແຂ່ງຂັນທຳມະດາ.ນ້ອງບໍ່ໄດ້ຮູ້ສຶກເຄັ່ງຕຶງຈັກເທື່ອ, ກໍບໍ່ເຄີຍກິນເຂົ້າບໍ່ແຊບ."ນາງຢ່ິນຈ້ຽນເຜີຍໃຫ້ຮູ້ວ່າ,ຄວາມລັບແຫ່ງການຜ່ອນຄາຍກຳລັງໜີບດ້ານຈິດໃຈຂອງນາງນັ້ນແມ່ນຟັງດົນຕີ. "ຂີ່ລົດຈາກບ້ານໂອລິມປິກໄປສະໜາມແຂ່ງຂັນເທື່ອໃດ,ນ້ອງກໍຟັງດົນຕີທີ່ມີຈັງຫວະແຂງແຮງ,ແລະຄິດວ່ານ້ອງພວມຫຼິ້ນແປ້ນໃບເຮືອຢູ່. ບັດນີ້,ພໍລົງລົດແລ້ວ,ນ້ອງກໍຮູ້ສຶກມີກຳລັງເຕັມໂຕ."
1 2 3
|
|
