|
ຍົກເອົາເມືອງເຊີນເຈີນເປັນຕົວຢ່າງ ແຕ່ປີ 1980 ຫາປີ 2003, GDP ຂອງເມືອງເຊິນເຈິນແມ່ນເພ່ີມຂຶ້ນ 28,3% ຕໍ່ປີ, ລາຍຮັບຈາກອາກອນຕ່າງໆທ່ີລວມເຂົ້າກັນແລ້ວໄດ້ບັນລຸ 466 ຕື້ 930 ລ້ານຢວນ. ປະຈຸບັນ, GDP ຂອງເມືອງເຊິນເຈິນພຽງແຕ່ຖັດຈາກເມືອງຊຽງໄຮ້ ປັກກ່ິງແລະກວາງໂຈວ, ເປັນທີ 4 ໃນນະຄອນໃຫຍ່ແລະກາງທ່ົວປະເທດຈີນ. ທ່ານລີກວາງຢ້າວ ນັກການເມືອງອາວຸໂສສິງກະໂປຕີລາຄາວ່າ, ເມືອງເຊີນເຈີນໃນຊູ່ມື້ນີ້ກໍແມ່ນຈີນໃນອານະຄົດຂອງຈີນ, ທັງນີ້ໄດ້ຢັ້ງຢືນຄຳວິນິໄສຂອງທ່ານເຕິ້ງສຽວຜິງທ່ີວ່າເມືອງເຊີນເຈີນກໍແມ່ນສັງຄົມນິຍົມ
ທ່ານຊູຕົງປິນ ຫົວໜ້າສູນຄົ້ນຄວ້າເສດຖະກິດເຂດພິເສດແລະຮົງກົງ ມາກາວໄຕ້ຫວັນຂອງມະຫາວິທະຍາໄລເຊີນເຈີນເວົ້າວ່າ: ເມືອງເຊີນເຈີນແມ່ນບົດປະພັນບົດໜ່ຶງທ່ີເຕັມໄປດ້ວຍຄວາມຕະຕືລືລົ້ນທ່ີສຸດເຊ່ິງທ່ານເຕິ້ງສຽວຜິງເປັນຜູ່ແຕ່ງຢ່າງພຽນໃຈ.
ປີ 1992, ເວລາທ່ານເຕິ້ງສຽວຜິງລົງສຳຫຼວດຢູ່ພາກໃຕ້ຂອງຈີນ, ທ່ານໄດ້ສະເໜີຢ່າງຄັກແນ່ເປັນເທ່ືອທຳອິດວ່າ: "ມີແຜນການຫຼາຍໜ້ອຍໜ່ຶງຫຼືຫັນເປັນຕະຫຼາດຫຼາຍໜ້ອຍໜ່ຶງບໍ່ແມ່ນຈຸດພິເສດກົກຮາກຂອງສັງຄົມນິຍົມ." ບົນເສັ້ນທາງກ້າວໄປສູ່ຄວາມຈະເລີນຮຸ່ງເຮືອງແລະຮ່ັງມີ, ຈີນໄດ້ເລ່ີມເອົາສອງນິຍາມທ່ີແຕກຕ່າງກັນຄື "ເສດຖະກິດຕະຫຼາດ" ແລະ "ສັງຄົມນິຍົມ" ມາພົວພັນກັນ.
ໃນຂະນະທ່ີໄດ້ຮັບໝາກຜົນໃນການປະຕິຮູບເສດຖະກິດຢ່າງບໍ່ຢຸດຢັ້ງນັ້ນ, ທ່ານເຕິ້ງສຽວຜິງໄດ້ສະເໜີໜ້າທ່ີທ່ີປະຕິຮູບໂຄງປະກອບການເມືອງ ບູລະນະປະຊາທິປະໄຕສັງຄົມນິຍົມແລະກໍ່ສ້າງລະບອບກົດໝາຍຂອງຈີນ. ທ່ານເອງໄດ້ນຳໜ້າຍົກເລີກລະບອບດຳລົງຕຳແໜ່ງພະນັກງານຕະຫຼອດຊີວິດ, ທ່ານເຕິ້ງສຽວຜິງໄດ້ວິນິດໃສວ່າ "ຖ້າບໍ່ມີປະຊາທິປະໄຕກໍບໍ່ມີສັງຄົມນິຍົມ, ກໍບໍ່ມີທັນສະໄໝຂອງສັງຄົມນິຍົມ", ອັນໄດ້ເລ່ີມເປີດຂະບວນວິວັດປະຕິຮູບການເມືອງທ່ີສ້າງອາລະຍະທຳດ້ານກົດໝາຍຂອງຈີນ.
ທ່ານລົງອານຈື ຊາວອາເມລິກາທ່ີຢູ່ປັກກ່ິງຖາວອນ ເປັນຜູ່ຊ່ຽວຊານຄົ້ນຄວ້າບັນຫາຈີນທ່ີມີຊ່ືສຽງ, ຫວ່າງມໍ່ໆນີ້ ທ່ານໃຫ້ສຳພາດຕໍ່ຂ່າວສານຊິນຮວາວ່າ, ມໍລະດົກທ່ີລ້ຳຄ່າທ່ີສຸດທ່ີທ່ານເຕິ້ງສຽວຜິງເອົາໄວ້ໃຫ້ຮຸ້ນຫຼັງນັ້ນແມ່ນບົດຮຽນອັນສຳເລັດຜົນຂອງທ່ານໃນການປະຕິຮູບແລະພັດທະນາຈີນດ້ວຍເບົ້າແບບຕິດແທດຕົວຈິງແລະຄ່ອຍເປັນຄ່ອຍໄປ, "ນ້ຳໃຈອັນຕິດແທດຕົວຈິງນີ້ມີບົດບາດທ່ີສຸດຕໍ່ການພັດທະນາຂອງຈີນໃນອະນາຄົດ.
1 2 3
|
