|
ໃນຫຼາຍປີມານີ້, ຈິດໃຈທ່ີເຮັດແທ້ທຳຈິງແລະປະດິດຄິດສ້າງໃໝ່ຂອງທ່ານເຕິ້ງສຽວຜິງໄດ້ດຶງດູດສາຍຕາຄົນທັງຫຼາຍໂດຍສະຫຼອດ. ທິດສະດີການເມືອງທ່ີງ່າຍໆແລະໃຊ້ການໄດ້ນີ້ບໍ່ພຽງແຕ່ເຮັດໃຫ້ຈີນດຳເນີນການປະຕິຮູບຢ່າງໝັ້ນທ່ຽງເປັນເວລາ 25 ປີທໍ່ນັ້ນ, ຍັງໄດ້ຊອກພົບເສັ້ນທາງພັດທະນາເສັ້ນໜ່ຶງທ່ີສອງຄອງກັບສະພາບຕົວຈິງຂອງຈີນອີກດ້ວຍ, ພວມພາຈີນຜ່ານໄລຍະສັບສົນຫຍຸ້ງຍາກໃນການປະຕິຮູບແລະໄຂປະຕູສູ່ພາຍນອກ.
ປີ 1979, ທ່ານເຕິ້ງສຽວຜິງກໍຄືກັບຄົນຈີນເປັນລ້ານເປັນໂກດທ່ີຫາກໍຜ່ານຈາກການປະຕິວັດວັດທະນະທຳທ່ີປ່ັນປ່ວນນັ້ນໄດ້ປະເຊີນກັບສະພາບທ່ີ GDP ຈີນສະເລ່ຍຕາມຫົວຄົນແລ້ວບໍ່ຮອດ 250 ໂດລາສະຫະລັດ. 20 ປີກ່ອນ, ມາດຖານຄວາມຮັບຮູ້ທ່ີແຮ່ງທຸກແຮ່ງປະຕິວັດແລະຄວາມພາດພັ້ງທາງນະໂຍບາຍໄດ້ເຮັດໃຫ້ເສດຖະກິດຈີນມໍ່ຈະພັງຕະລາຍ.
ໃຕ້ເບື້ອງຫຼັງດັ່ງກ່າວນີ້, ຄຳວິນິດໃສຂອງທ່ານເຕິ້ງສຽວຜິງທ່ີວ່າຄວາມທຸກຍາມບໍ່ແມ່ນສັງຄົມນິຍົມດັງກັງວານສະເທ່ືອນດິນສະເທ່ືອນຟ້າ, ບໍ່ພຽງແຕ່ປົດປ່ອຍແນວຄິດຄົນຈີນທໍ່ນັ້ນ, ຍັງໄດ້ສ້າງພື້ນຖານທ່ີເຫັນກວ້າງມອງໄກໃຫ້ແກ່ການວາງອອກນະໂຍບາຍປະຕິຮູບແລະໄຂປະຕູສູ່ພາຍນອກແລະທິດສະດີການສ້າງທັນສະໄໝຢ່າງເປັນລະບົບ.
ທ່ານເວິນຊ້ຽນຢວນ ຫົວໜ້າສູນຄົ້ນຄວ້າທິດສະດີເຕິ້ງສຽວຜິງແຂວງກວາງຕົ້ງເຫັນວ່າ, ໃນດ້ານປົດປ່ອຍແນວຄິດຂອງຄົນຈີນ, ທ່ານເຕິ້ງສຽວຜິງໄດ້ປະກອບສ່ວນທ່ີມີລັກສະນະປະຫວັດສາດ.
1 2 3
|
