|
|
 |
| (GMT+08:00)
2006-04-11 16:00:00
|
 |
|
ຈີນຣັດເຊຍລົງເລິກການຮ່ວມມືໃນດ້ານພະລັງງານລະຫວ່າງສອງປະເທດ
cri
ຫວ່າງມໍ່ໆນີ້, ລັດຖະບານຣັດເຊຍໄດ້ອະນຸມັດແຜນການສ້າງທໍ່ສົ່ງນ້ຳມັນຈາກຊີເບຣີຕາເວັນອອກໄປຮອດມະຫາສະໝຸດປາຊິຟິກ, ນີ້ໄດ້ສ້າງພື້ນຖານອັນໃຫ້ແກ່ການວາງທໍ່ສົ່ງນ້ຳມັນດິບລະຫວ່າງຈີນກັບຣັດເຊຍ. ພວກຂ້າພະເຈົ້າຍິນດີປຶກສາຫາລືກັບຝ່າຍຣັດເຊຍຢ່າງຕັ້ງໜ້າ, ພ້ອມກັນຊຸກຍູ້ໃຫ້ການວາງທໍ່ສົ່ງນ້ຳມັນດິບສາຂາຈີນສຳເລັດໂດຍໄວ. ແຜນການຂອງພວກຂ້າພະເຈົ້າແມ່ນ, ໃນຂະນະທີ່ວາງທໍ່ສົ່ງນ້ຳມັນຢູ່ຣັດເຊຍນັ້ນ, ເລີ່ມລົງທຶນສ້າງທໍ່ສົ່ງນ້ຳມັນດິບສາຂາຈີນພ້ອມກັນ.
ນອກຈາກເຊັນສັນຍາກ່ຽວກັບທໍ່ສົ່ງນ້ຳມັນແລະແກັສທຳມະຊາດແລ້ວ, ສອງຝ່າຍຈີນຣັດເຊຍຍັງໄດ້ເຊັນສັນຍາໃນດ້ານຫຼັກການກ່ຽວກັບການຕັ້ງວິສາຫະກິດຮ່ວມທຶນ, ຕ່າງຈະດຳເນີນການຮ່ວມມືກ່ຽວກັບການສຳຫຼວດພັດທະນາຊັບພະຍາກອນນ້ຳມັນເຊື້ອໄຟຢູ່ໃນແດນຣັດເຊຍແລະຮ່ວມມືກັ່ນແລະຂາຍນ້ຳມັນຢູ່ໃນແດນຈີນ. ຣັດເຊຍເຫັນດີໃຫ້ບໍລິສັດນ້ຳມັນເຊື້ອໄຟຈີນກັບວິສາຫະກິດນ້ຳມັນເຊື້ອໄຟຣັດເຊຍຮ່ວມກັນຂຸດຄົ້ນຊັບພະຍາກອນນ້ຳມັນເຊື້ອໄຟແລະແກັສທຳມະຊາດທີ່ອຸດົມສົມບູນຣັດເຊຍ. ພ້ອມກັນນັ້ນ, ບໍລິສັດນ້ຳມັນເຊື້ອໄຟຈີນຍັງຈະພ້ອມກັນກັບວິສາຫະກິດນ້ຳມັນເຊື້ອໄຟຣັດເຊຍສ້າງຕັ້ງວິສາຫະກິດຮ່ວມທຶນຢູ່ຈີນ, ເຮັດທຸລະກິດກັ່ນນ້ຳມັນແລະຈຳໜ່າຍນ້ຳມັນແອັສຊັງແລະນ້ຳມັນສຳເລັດຮູບອື່ນໆ.
ທ່ານມາໄຄ ຫົວໜ້າຄະນະກຳມະການພັດທະນາແລະປະຕິຮູບແຫ່ງລັດຈີນກ່າວວ່າ, ການເຊັນສັນຍາດັ່ງກ່າວໄດ້ບຸກເບີກຂອບເຂດຮ່ວມມືດ້ານພະລັງງານຈີນຣັດເຊຍຢ່າງໃຫຍ່ຫຼວງ.
ພວກຂ້າພະເຈົ້າດີໃຈຫຼາຍທີ່ໄດ້ເຫັນວ່າ, ໃນຂົງເຂດນ້ຳມັນເຊື້ອໄຟແລະແກັສທຳມະຊາດ, ການຮ່ວມມືລະຫວ່າງວິສາຫະກິດທັງສອງຝ່າຍໄດ້ເລີ່ມຈາກການຄ້ານ້ຳມັນດິບເປີດກວ້າງໄປຮອດຂົງເຂດຂຸດຄົ້ນແລະຂົງເຂດປຸງແຕ່ງຈຳໜ່າຍແລ້ວ. ທ່ວງທ່າດັ່ງກ່າວໄດ້ສະແດງໃຫ້ເຫັນລ່ວງໜ້າວ່າການຮ່ວມມືດ້ານພະລັງງານລະຫວ່າງຈີນຣັດເຊຍພວມກ້າວໄປຕາມທິດຫຼາຍເຄົ້າຢ່າງຮອບດ້ານ. ເມື່ອສັງເກີດຈາກໄລຍະຍາວໄກແລ້ວ, ການຮ່ວມມືດ້ານພະລັງງານລະຫວ່າງຈີນກັບຣັດເຊຍຄວນມີຂອບເຂດກວ້າງກວ່າເກົ່າແລະມີຫຼາຍຮູບແບບກວ່າເກົ່າ, ສ້າງການພົວພັນຮ່ວມມືທີ່ໝັ້ນຄົງແລະແໜ້ນແຟ້ນກວ່າເກົ່າ.
ໃນໄລຍະທີ່ທ່ານປະທານາທິບໍດີປູຕິນຢ້ຽມຢາມຈີນ, ທັງສອງປະເທດຈີນຣັດເຊຍຍັງສະແຫວງຫາການຮ່ວມມືດ້ານເສດຖະກິດເຕັກນິກໃນຂົງເຂດກວ້າງກວ່າເກົ່າ.
ໃນເວລາກ່າວປາຖະກະຖາເວທີປາໄສນັ້ນ, ທ່ານຫູຈີນທາວ ປະທານປະເທດຈີນເປີດເຜີຍໃຫ້ຮູ້ວ່າ, ຈີນຣັດເຊຍໄດ້ກຳນົດຂົງເຂດຈຸດໜັກແຫ່ງການຮ່ວມມືລະຫວ່າງສອງຝ່າຍໃນພາຍໜ້າແລ້ວ:
ຈີນຣັດເຊຍຄວນຍົກອັດຕາສ່ວນຂອງຜະລິດຕະພັນກົນຈັກເຄື່ອງໄຟຟ້າໃນການຄ້າລະຫວ່າງສອງຝ່າຍໃຫ້ສູງຂຶ້ນໂດຍໄວ, ເປີດກວ້າງຂະໜາດການຄ້າຂອງຜະລິດຕະພັນຊັບພະຍາກອນພະລັງງານຢ່າງໜັກແໜ້ນ; ເພີ່ມທະວີການລົງທຶນຢູ່ຝ່າຍກົງກັນຂ້າມໃນຂົງເຂດເຄື່ອງໄຟຟ້າໃຊ້ໃນເຮືອນ, ໂທລະຄົມ, ການສ້າງສາພື້ນຖານໂຄງລ່າງແລະການພັດທະນາຊັບພະຍາກອນນ້ຳມັນເຊື້ອໄຟແລະແກັສທຳມະຊາດ, ປ່າໄມ້ບໍ່ແຮ່ແລະການປຸງແຕ່ງລະອຽດເປັນຕົ້ນ; ດຳເນີນການຮ່ວມມືຫັນໝາກຜົນວິທະຍາສາດເຕັກໂນໂລຊີເປັນອຸດສາຫະກຳແລະການແລກປ່ຽນຜູ້ມີຄວາມຮູ້ຄວາມສາມາດໃນຂົງເຂດການບິນແລະການບິນອະວະກາດ, ການຜະລິດກົນຈັກ, ພະລັງງານນິວເຄຼຍ, ອຸປະກອນໃໝ່ແລະເຕັກນິກຊີວະຊາດເປັນຕົ້ນ.
ປີ2005, ຍອດມູນຄ່າການຄ້າລະຫວ່າງຈີນຣັດເຊຍໄດ້ບັນລຸ29ຕື້100ລ້ານໂດລາສະຫະລັດ, ເຊິ່ງເພີ່ມຂຶ້ນຫຼາຍກວ່າປີກ່ອນເກີນ30%. ທ່ານຫູຈີນທາວກ່າວວ່າ, ອີງຕາມທ່ວງທ່າອັນແຂງແຮງຂອງການພັດທະນາເສດຖະກິດການຄ້າລະຫວ່າງຈີນຣັດເຊຍ, ເປົ້າໝາຍທີ່ເຮັດໃຫ້ການຄ້າສອງຝ່າຍບັນລຸ60ຕື້ຫາ80ຕື້ໂດລາສະຫະລັດໃນປີ2010ທີ່ສອງຝ່າຍຕົກລົງກັນນັ້ນແມ່ນສາມາດບັນລຸຜົນເປັນຈິງໄດ້.
1 2
|
|
|
