|
|
 |
| (GMT+08:00)
2006-04-11 16:00:00
|
 |
|
ຈີນຣັດເຊຍລົງເລິກການຮ່ວມມືໃນດ້ານພະລັງງານລະຫວ່າງສອງປະເທດ
cri
|
ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ໂຄລົບ, ໃນຫຼາຍປີມານີ້, ການແລກປ່ຽນແລະການຮ່ວມມືລະຫວ່າງຈີນກັບຣັດເຊຍໃນຂົງເຂດເສດຖະກິດການຄ້າໄດ້ເພີ່ມທະວີຂຶ້ນເລື້ອຍໆ, ໃນນັ້ນດູດດຶງຄົນກວ່າໝູ່ແມ່ນການຮ່ວມມືດ້ານພະລັງງານລະຫວ່າງສອງປະເທດ. ສອງອາທິດກ່ອນ, ທ່ານປູຕິນ ປະທານາທິບໍດີຣັດເຊຍມາຢ້ຽມຢາມຈີນ, ສອງປະເທດໄດ້ເຊັນສັນຍາສຳຄັນຫຼາຍສະບັບທີ່ກ່ຽວພັນເຖິງພະລັງງານ, ນີ້ໄດ້ສະໜອງຄວາມຮັບປະກັນອັນສຳຄັນໃຫ້ແກ່ຈີນຣັດເຊຍເພີ່ມທະວີການຮ່ວມມືໃນຂົງເຂດພະລັງງານຕື່ມອີກ. ໃນລາຍການແຈ້ງຂ່າວເສດຖະກິດຈີນພາກນີ້, ພວກເຮົາຈະສະເໜີສະພາບຮ່ວມມືດ້ານພະລັງງານລະຫວ່າງຈີນກັບຣັດເຊຍສູ່ທ່ານຟັງ.
ໃນກອງປະຊຸມເວທີປາໄສສຸດຍອດວົງການເສດຖະກິດອຸດສາຫະກຳແລະການຄ້າຈີນຣັດເຊຍຄັ້ງປະຖົມມະເລີກທີ່ຈັດຂຶ້ນຢູ່ປັກກິ່ງໃນສອງອາທິດກ່ອນ, ທ່ານປູຕິນ ປະທານາທິບໍດີຣັດເຊຍໄດ້ເຜີຍແບຕອນສຳຄັນຂອງສັນຍາພະລັງງານລະຫວ່າງສອງຝ່າຍ:
ສະຫະພັນຣັດເຊຍຕົກລົງຈະສ້າງທໍ່ສົ່ງນ້ຳມັນເຊື້ອໄຟຈາກຊີເບຣີຕາເວັນອອກໄປຫາມະຫາສະມຸດປາຊິຟິກ. ປະຈຸບັນ, ບໍລິສັດຂົນສົ່ງດ້ວຍທໍ່ສົ່ງຣັດເຊຍກັບກຸ່ມບໍລິສັດນ້ຳມັນເຊື້ອໄຟແລະແກສທຳມະຊາດຈີນໄດ້ເຊັນອະນຸສັນຍາທີ່ກ່ຽວຂ້ອງ, ຈະເຣັດບົດວິພາກຂອງການສ້າງທໍ່ສົ່ງນ້ຳມັນເຊື້ອໄຟສາຂາຈີນ. ຖ້າໂຄງການດັ່ງກ່າວບັນລຸຜົນເປັນຈິງ, ຈະມີຜົນດີຕໍ່ການເພີ່ມການສະໜອງນ້ຳມັນເຊື້ອໄຟໃຫ້ຈີນ. ອີກຂົງເຂດໜຶ່ງທີ່ມີອະນາຄົດພັດທະນາເປັນຢ່າງດີນັ້ນແມ່ນການຮ່ວມມືດ້ານແກັສທຳມະຊາດ. ບໍລິສັດອຸດສາຫະກຳແກັສທຳມະຊາດຣັດເຊຍຈຳກັດກັບບໍລິສັດນ້ຳມັນເຊື້ອໄຟຈີນໄດ້ເຊັນເອກະສານທີ່ກ່ຽວຂ້ອງ. ພວກເຮົາພວມຄົ້ນຄວ້າແຜນການວາງທໍ່ສົ່ງອາຍແກັສທີ່ເຊື່ອມຕໍ່ສອງປະເທດຫຼາຍສະບັບ. ໃນນັ້ນໜຶ່ງແມ່ນທໍ່ສົ່ງຈາກຊີເບຣີຕາເວັນຕົກ, ອີກອັນໜຶ່ງແມ່ນທໍ່ສົ່ງຈາກຊີເບຣີຕາເວັນອອກ.
ປີ2005, ຣັດເຊຍໄດ້ສົ່ງອອກນ້ຳມັນດິບ8ລ້ານກວ່າໂຕນໄປຈີນໂດຍຜ່ານທາງລົດໄຟ, ນີ້ພຽງແຕ່ແມ່ນສ່ວນໜ້ອຍທີ່ສຸດທີ່ນອນຢູ່ໃນຍອດບໍລິມາດນຳເຂົ້ານ້ຳມັນດິບຂອງຈີນ. ປະຈຸບັນ, ຣັດເຊຍສົ່ງຂາຍພະລັງງານໄປຕະຫຼາດເອີລົບເປັນສ່ວນໃຫຍ່, ການສະໜອງພະລັງງານໃຫ້ຕະຫຼາດອາຊີພັດເພີ່ມຊ້າ. ໃນບໍ່ເທົ່າໃດປີມານີ້, ຈີນກັບຣັດເຊຍພວມສະແຫວງຫາການຮ່ວມມືຍິ່ງຫຼາຍກວ່າເກົ່າໃນຂົງເຂດພະລັງງານໂດຍຕະຫຼອດ, ແລະປຶກສາຫາລືວາງທໍ່ສົ່ງນ້ຳມັນເຊື້ອໄຟສາຍໜຶ່ງຈາກຣັດເຊຍມາຈີນ.
ກ່ຽວກັບສັນຍາຮ່ວມມືດ້ານພະລັງງານທີ່ສອງຝ່າຍເຊັນກັນໃນເວລາທ່ານປະທານາທິບໍດີປູຕິນມາຢາມຈີນນັ້ນ, ທ່ານນາງຫຼີຈ້ຽນມິນ ຜູ້ຊ່ຽວຊານບັນຫາຣັດເຊຍໃນສະພາບັນດິດວິທະຍາສາດສັງຄົມຈີນຕີລາຄາວ່າ:
ເສດຖະກິດຈີນພັດທະນາຢ່າງວ່ອງໄວ, ພວກເຮົາຕ້ອງການນ້ຳມັນເຊື້ອໄຟນັບມື້ນັບຫຼາຍຂຶ້ນ, ແຕ່ຍ້ອນວ່າການສະໜອງນ້ຳມັນຂອງພວກເຮົາເອງບໍ່ພຽງພໍ, ຕ້ອງນຳເຂົ້າຈາກຕ່າງປະເທດ. ສ່ວນຣັດເຊຍມີພະລັງງານອຸດົມສົມບູນ, ສອງຝ່າຍມີຈຸດຮ່ວມດ້ານຜົນປະໂຫຍດຫຼາຍຢ່າງໃນດ້ານນີ້. ສັນຍາທີ່ຈີນຣັດເຊຍເຊັນກັນເທື່ອນີ້ໄດ້ຊີ້ທິດຮ່ວມມືດ້ານພະລັງງານລະຫວ່າງສອງຝ່າຍໃນອະນາຄົດ, ກໍໄດ້ຢ່ວງບາດກ້າວທີ່ມີລັກສະນະທາດແທ້.
ຜູ້ຊ່ຽວຊານຜູ້ນີ້ແນະນຳວ່າ, ອີງຕາມສັນຍາ, ພາຍຫຼັງທໍ່ສົ່ງແກັສທຳມະຊາດຈີນຣັດເຊຍສ້າງສຳເລັດແລ້ວ, ຕໍ່ໄປພາຍໜ້າ, ຍອດບໍລິມາດແກັສທຳມະຊາດທີ່ຣັດເຊຍສົ່ງຂາຍໃຫ້ຈີນນັ້ນຈະບັນລຸ80ຕື້ແມັດກ້ອນຕໍ່ປີ, ກວມເຄິ່ງໜຶ່ງຂຶ້ນໄປຂອງບໍລິມາດທີ່ຣັດເຊຍສົ່ງຂາຍໃຫ້ເອີລົບ.
ນອກນີ້, ບົດບັນທຶກການເຈລະຈາກ່ຽວກັບການສຶກສາບົດວິພາກການລົງທຶນສ້າງທໍ່ສົ່ງນ້ຳມັນເຊື້ອໄຟຣັດເຊຍສາຂາຈີນທີ່ບໍລິສັດນ້ຳມັນເຊື້ອໄຟຈີນກັບບໍລິສັດນ້ຳມັນເຊື້ອໄຟຣັດເຊຍເຊັນກັນນັ້ນກໍໄດ້ຮັບຄວາມເອົາໃຈໃສ່ໃນລະດັບສູງແລະການສະໜັບສະໜູນເປັນຢ່າງແຂງແຮງ
ຈາກລັດຖະບານຈີນແລະຣັດເຊຍ. ທ່ານເສິນເກິ່ງ ຜູ້ອຳນວຍການໃຫຍ່ບໍລິສັດນ້ຳມັນເຊື້ອໄຟຈີນມີຄວາມໝັ້ນໃຈອັນເຕັມປ່ຽມຕໍ່ການສ້າງທໍ່ສົ່ງນ້ຳມັນສາຍນີ້, ແລະຍິນດີຕັ້ງໜ້າປຶກສາຫະລືກັບຝ່າຍຣັດເຊຍ, ພ້ອມກັນຊຸກຍູ້ການສ້າງສາທໍ່ສົ່ງນ້ຳມັນດິບສາຂາຈີນ:
1 2
|
|
|
