|
|
 |
| (GMT+08:00)
2006-01-03 11:04:24
|
 |
|
ຍິງໜຸ່ມຈີນມັກເຄື່ອງຟຸມເຟືອຍຍີ່ຫໍ້ຊື່ດັງ
cri
ເປັນຫຍັງເຄື່ອງຟຸມເຟືອຍຍີ່ຫໍ້ຊື່ດັງສາມາດດຶງດູດຜູ້ບໍລິໂພກທີ່ເປັນຍິງໜຸ່ມຄືແນວນິ້?ນາງອູຊີນຜູ້ນິຍົມໃຊ້ຍີ່ຫໍ້ຊື່ດັງບອກນັກຂ່າວວ່າ,
ຕາມທຳມະດາ,ສິນຄ້າຍີ່ຫໍ້ຊື່ດັງຂ້ອນຂ້າງປານີດ, ການບໍລິການຫຼັງການຂາຍ ກໍດີທີ່ສຸດ,ສ່ວນໃນຮ້ານຄ້າຍີ່ຫໍ້ຊື່ດັງມີບັນຍາກາດຂ້ອນຂ້າງງຽບສະງັດ,ໃນຍາມຫວ່າງນອກໂມງການມາທ່ຽວຮ້ານຄ້າເຫຼົ່ານີ້ຂ້າພະເຈົ້າຮູ້ສຶກຊື່ນອົກຊື່ນໃຈ.ເຖິງວ່າລາຄາສິນຄ້າຍີ່ຫໍ້ຊື່ດັງແພງຫຼາຍແລະບໍ່ຫຼຸດລາຄາ,ແຕ່ມັນກຸ້ມຄ່າທີ່ສຸດ.
ກະເປົາ,ນ້ຳອົບນ້ຳຫອມ,ໂມງແຂນ,ເຄື່ອງນຸ່ງຂອງຖືເປັນຕົ້ນທີ່ແມ່ນຍີ່ຫໍ້ຊື່ດັງນັ້ນ,ລາຄາສູງເຖິງຫຼາຍຮ້ອຍຫຼາຍພັນຢວນບາງອັນຈົນເຖິງຫຼາຍໝື່ນຫຼາຍແສນຢວນ.ແຕ່ວ່າ,ຍິງໜຸ່ມຫຼາຍຄົນກໍ່ຄ້າຍຄືກັບນາງອູ,ເຂົາເຈົ້າສົນໃຈນຳສິນຄ້າພິເສດທີ່ຂາຍແຕ່ຮ້ານດຽວຫຼືການບໍລິການຂອງສິນຄ້າຍີ່ຫໍ້ຊື່ດັງ,ເມື່ອພົບເຫັນສິນຄ້າທີ່ຕົນມັກນັ້ນ,ແພງປານໃດກໍ່ຊື້.
 
ປັດຈຸບັນ,ຍິງໜຸ່ມຈີນທີ່ສະເຫວີຍເຄື່ອງຟຸມເຟືອຍແບ່ງເປັນສອງປະເພດ,ປະເພດໜຶ່ງແມ່ນຜູ້ຍິງຮັ່ງມີ,ພວກເຂົາເຈົ້າມັກຫຼີກໜີຈາກຝູງຄົນ,ນິຍົມການບໍລິການທີ່ມີບຸກຄະລິກລັກສະນະ,ໄປຮ້ານຂາຍເຄື່ອງຟຸມເຟືອຍເລື້ອຍໆ,ຊື້ສິນຄ້າໃໝ່ຫຼ້າສຸດ. ອີກປະເພດໜຶ່ງແມ່ນຜູ້ຍິງເຂົ້າການ,ໃນນັ້ນພະນັກງານຂອງບໍລິສັດທຶນຕ່າງປະເທດເປັນຕົວແທນ.ບາງທີພວກເຂົາເຈົ້າຈະໃຊ້ໝົດເງິນເດືອນໄປຊື້ສິນຄ້າອັນໜຶ່ງ. ຫວ່າງກ່ອນນີ້ບໍ່ດົນ,ສື່ມວນຊົນແຫ່ງໜຶ່ງຂອງນະຄອນຊຽງໄຮ້ໄດ້ສຳຫຼວດຕໍ່ປະຊາ ກອນເນັດໜຶ່ງພັນກວ່າຄົນກ່ຽວກັບການສະເຫວີຍເຄື່ອງຟຸມເຟືອຍ,ຜົນສຳຫຼວດສະແດງໃຫ້ເຫັນວ່າ,ມີຊາວໜຸ່ມຈຳນວນຫຼວງຫຼາຍຈົນເຖິງຂັ້ນໃຊ້ເງິນເກີນບັນຊີເພື່ອຊື້ ເຄື່ອງຟຸມເຟືອຍ.
ຄວາມກະຕືລືລົ້ນຕໍ່ເຄື່ອງຟຸມເຟືອຍຂອງຍິງໜຸ່ມເຫຼົ່ານີ້ທີ່ນັບມື້ນັບສູງຂຶ້ນນັ້ນ,ໄດ້ນຳເອົາໂອກາດການທຸລະກິດຫຼວງຫຼາຍໃຫ້ສິນຄ້າຊື່ດັງສາກົນຫຼາຍຍີ່ຫໍ້.ນາງຢາງຊີງຮົງ,ພະນັກງານບໍລິສັດສາຂາຈີນຂອງກຸ່ມບໍລິສັດໂອເຣຍທີ່ມີຍີ່ຫໍ້ລານຄົມຍີ່ຫໍ້ຊື່ດັງເຄື່ອງສຳອາງສັງກັດຢູ່ນັ້ນບອກນັກຂ່າວວ່າ,ຜົນງານຈຳໜ່າຍຂອງຍີ່ຫໍ້ລານຄົມຢູ່ເຂດໃນຈີນເປັນອັນດັບນຳໜ້າໃນທົ່ວໂລກ.ຜົນຈຳໜ່າຍດີຄືແນວນີ້ເຮັດໃຫ້ກຸ່ມບໍລິສັດໂອເຣຍດີໃຈທີ່ສຸດ,ປັດຈຸບັນ,ກຸ່ມບໍລິສັດໂອເຣຍພວມເພີ່ມການລົງທຶນຢູ່ ຕະຫຼາດຈີນ.
ສຳລັບປະກົດການທີ່ຍິງໜຸ່ມຈີນມັກເຄື່ອງຟຸມເຟືອຍຍີ່ຫໍ້ຊື່ດັງແນວນີ້, ນັກສັງຄົມສາດວິໄຈວ່າ,ມູນເຫດເລິກເຊິ່ງແມ່ນວ່າໃນບໍ່ເທົ່າໃດປີມານິ້ ເສດຖະກິດສັງຄົມຈີນໄດ້ເຕີບໂຕພັດທະນາ.ເສດຖະກິດພັດທະນາໄວ, ລະດັບຊີວິດການເປັນຢູ່ຂອງປະຊາຊົນໄດ້ສູງຂຶ້ນຢ່າງຫຼວງຫຼາຍ,ພາລະຄອບຄົວຂອງຍິງໜຸ່ມຫຼາຍຄົນມີໜ້ອຍ,ມີເງິນຂ້ອນຂ້າງຫຼາຍ.ເຄື່ອງຟຸມເຟືອຍຍີ່ຫໍ້ຊື່ດັງເຫຼົ່ານັ້ນ,ໂດຍຜ່ານຈາກການໂຄສະນາພິເສດ,ບວກກັບການວາງສະແດງອັນດີງາມຢູ່ທີ່ຕູ້ຂາຍເຄື່ອງ,ກໍຍິງໜຸ່ມກໍຖືກດຶງດູດງ່າຍ.ຍິງໜຸ່ມຈີນມັກເຄື່ອງຟຸມເຟືອຍຫຼາຍເກີນໄປແບບນີ້ກໍ່ໄດ້ເຮັດໃຫ້ນັກສັງຄົມສາດມີສະຕິລະວັງຕົວ.ທ່ານສາດສະຕາຈານໂຈ່ວຊ້ຽວເຈີ້ງ ຫົວໜ້າສະຖາບັນຄົ້ນຄວ້າກົດໝາຍສັງຄົມແຫ່ງມະຫາວິທະຍາໄລປະຊາຊົນຈີນຊີ້ອອກວ່າ,
ຄວນເວົ້າວ່າ,ຍິງໜຸ່ມຈະຖືກປຸກລະດົມໄປຊື້ເຄື່ອງຂ້ອນຂ້າງງ່າຍ,ໂດຍສະເພາະແມ່ນເຄື່ອງບໍລິໂພກລະດັບສູງ,ມັນບໍ່ພຽງແຕ່ມີຄຸນນະພາບດີເທົ່ານັ້ນ,ຍັງມີການບໍລິໂພກແບບເອົາໜ້າເອົາຕາອີກດ້ວຍ,ມີໝາຍຄວາມວ່າ,ໄດ້ຕອບສະໜອງຄວາມຮຽກຮ້ອງຕ້ອງການດ້ານຈິດໃຈ.
ທ່ານສາສະດາຈານໂຈ່ວເຫັນວ່າ,ຕະຫຼາດເຄື່ອງຟຸມເຟືອຍຂອງຈີນຍັງຢູ່ໃນໄລຍະຂັ້ນຕົ້ນ,ຜູ້ບໍລິໂພກສະແຫວງຫາແຕ່ສິນຄ້າທີ່ໃໝ່ກວ່າໝູ່ມີຈິດໃຈອວດໂຕ,ນີ້ແມ່ນວິວັດທະນາການທີ່ຈຳເປັນຂອງສັງຄົມ.ເຊື່ອວ່າຄຽງຄູ່ກັບເສດຖະກິດພັດທະນາ,ສັງຄົມກ້າວໜ້າ,ຈິດຕະສາດບໍລິໂພກຂອງຄົນຈີນຈະນັບມື້ນັບມີສະຕິສຳປະຊັນຍະກວ່າເກົ່າແລະສຸກງອມກວ່າເກົ່າ.
1 2
|
|
|
