|
|
 |
| (GMT+08:00)
2006-01-03 11:04:24
|
 |
|
ຍິງໜຸ່ມຈີນມັກເຄື່ອງຟຸມເຟືອຍຍີ່ຫໍ້ຊື່ດັງ
cri
|
ຫຼາຍປີມານີ້,ຄຽງຄູ່ກັບລາຍໄດ້ຂອງຄົນຈີນເພີ່ມຂຶ້ນ,ບາງຄົນເລີ່ມນິຍົມໃຊ້ເຄື່ອງຟຸມເຟືອຍຍີ່ຫໍ້ຊື່ດັງ,ໃນນັ້ນສ່ວນຫຼາຍແມ່ນ ຍິງໜຸ່ມ.ຍ້ອນນາງສາວເຫຼົ່ານີ້ນິຍົມໃຊ້ເຄື່ອງຟຸມເຟືອຍ,ຈຶ່ງເຮັດໃຫ້ຫຼາຍຍີ່ຫໍ້ຊື່ດັງສາກົນໄດ້ຮັບຜົນກຳໄລຢ່າງຫຼວງຫຼາຍຢູ່ຕະຫຼາດຈີນ.
ນາງເຊີນຊ້ຽນໆທັງໜຸ່ມທັງງາມ,ແມ່ນພະນັກງານໃນບໍລິສັດໜຶ່ງຢູ່ນະຄອນກວງໂຈ່ວແຂວງກວງຕຸ້ງພາກຕາເວັນອອກສຽງໃຕ້ຂອງຈີນ.ວັນເສົາວັນທິດໄປເລາະຮ້ານຄ້າຍີ່ຫໍ້ຊື່ດັງແມ່ນເລື່ອງທີ່ສະບາຍອົກສະບາຍໃຈທີ່ສຸດຂອງນາງ.ນາງເຊີນຊ້ຽນໆເວົ້າວ່າ,
ຍາມທຳມະດາຂ້າພະເຈົ້າກໍ່ມັກໄປເລາະຮ້ານຄ້າຍີ່ຫໍ້ຊື່ດັງ,ຕົວຢ່າງວ່າ,ຂ້າ ພະເຈົ້າມັກກະເປົາຍີ່ຫໍ້ໄບລີ້,ຮູ້ສຶກວ່າມັນທັງກະທັດຫັດທັງງາມ.ສ່ວນນ້ຳອົບນ້ຳຫອມ,ຂ້າພະເຈົ້າມັກຍີ່ຫໍ້ຊາເນນຫຼາຍກວ່າ.ເຄື່ອງສຳອາງ,ຂ້າພະເຈົ້າມັກຍີ່ຫໍ້ລານຄົມ.ເຖິງວ່າຂອງເຫຼົ່ານິ້ແພງຫຼາຍ,ແຕ່ຂ້າພະເຈົ້າຮູ້ສຶກວ່າກຸ້ມຄ່າທີ່ສຸດ.
 
ກໍ່ເຊັ່ນດຽວກັນກັບນາງເຊີນ,ປັດຈຸບັນ,ຍິງໜຸ່ມຈີນນັບມື້ນັບຫຼາຍນິຍົມຊື້ສິນຄ້າຊື່ດັງລາຄາແພງຊະນິດຕ່າງໆ.ຢູ່ຕາມຖະໜົນ,ທ່ານຈະໄດ້ເຫັນນາງສາວໄດ້ຫິ້ວກະເປົາຍີ່ຫໍ້ຊື່ດັງໃສ່ໂມງແຂນຜະລິດສວິສເລື້ອຍໆ.ເມື່ອໄປທ່ຽວຮ້ານຄ້າໃຫຍ່ໃນຕົວເມືອງໃຫຍ່ຄືປັກກິ່ງ ຊຽງໄຮ້ເປັນຕົ້ນ,ທ່ານຈະໄດ້ເຫັນວ່າ,ຢູ່ໜ້າຕູ້ຂາຍເຄື່ອງຟຸມເຟືອຍຍີ່ຫໍ້ຊື່ດັງຕ່າງໆ,ເຊັ່ນກູຊີ,ອາມານີ,ຊາເນນ,ຜູ້ບໍລິໂພກສ່ວນຫຼາຍແມ່ນນາງສາວ.ເອົາເຄື່ອງສຳອາງຍີ່ຫໍ້ລານຄົມເປັນຕົວຢ່າງ,ຜູ້ບໍລິໂພກຢູ່ເຂດໃນຈີນສ່ວນຫຼາຍແມ່ນເພດຍິງທີ່ອາຍຸແຕ່25ປີຫາ34ປີ.ບົດລາຍງານຄົ້ນຄວ້າສະບັບໜຶ່ງທີ່ບໍລິສັດອານຢົງທີ່ເປັນໜຶ່ງໃນສຳນັກງານວຽກງານນາຍບັນຊີສາກົນສີ່ແຫ່ງປະກາດໃນຫວ່າງມໍ່ໆນີ້ສະແດງໃຫ້ເຫັນວ່າ,ກຸ່ມຄົນບໍລິໂພກຂອງຈີນທີ່ສະໜັບສະໜູນໂດຍຍິງໜຸ່ມຈີນນັ້ນໃນປີ2004ກໍ່ໄດ້ຊື້ເຄື່ອງຟຸມເຟືອຍກວມທົ່ວໂລກປະມານ12%.
1 2
|
|
|
