|
|
 |
| (GMT+08:00)
2005-09-27 22:40:48
|
 |
|
ກຳມະບານທຸກຂັ້ນຂອງຈີນໄດ້ເສີມຂະຫຍາຍບົດບາດສຳຄັນໃນດ້ານປົກປ້ອງສິດແລະຜົນປະໂຫຍດທີ່ຊອບກົດໝາຍຂອງກຳມະກອນ
cri
ທີ່ຈິງແລ້ວ,ບໍ່ສະເພາະແຕ່ເມືອງອີອູເທົ່ານັ້ນ,ອົງການກຳມະບານຂອງທ້ອງຖິ່ນອື່ນໆຂອງຈີນກໍໄດ້ເສີມຂະຫຍາຍບົດບາດອັນຕັ້ງໜ້າ.ຢູ່ນະຄອນທຽນສິນ ພາກເໜືອຂອງຈີນ,ອົງການກຳມະບານນະຄອນດັ່ງກ່າວໄດ້ຕັ້ງສູນບໍລິການປະສົມສຳລັບພາລະກອນ.ສູນດັ່ງກ່າວມີພະນັກງານ100ກວ່າຄົນ,ເປີດສາຍດ່ວນ ຕະຫຼອດ24ຊົ່ວໂມງ.ສູນບໍລິການໄດ້ຕັ້ງ7ລະບົບຮັບມືດ່ວນເຊັ່ນຊ່ອຍພາບລະກອນທີ່ມີຄວາມຫຍຸ້ງຍາກ,ການຜະລິດຢ່າງປອດໄພ,ການເຕືອນໄພແລະປະສານງານການພົວພັນແຮງງານເປັນຕົ້ນ,ແລະໄດ້ຕັ້ງລະບົບຊຳລະຂໍ້ມູນຂ່າວສານຄົບຊຸດ.
ທ່ານຊານຊຽງຈຸ່ນ ປະທານສະຫະພັນກຳມະບານນະຄອນທຽນສິນໄດ້ຍົກເອົາການຊ່ອຍພາລະກອນປົກປ້ອງສິດແລະຜົນປະໂຫຍດໃນດ້ານການຜະລິດຢ່າງປອດໄພມາເປັນຕົວຢ່າງ,ໄດ້ແນະນຳສະພາບເຮັດວຽກຂອງສູນບໍລິການຕໍ່ນັກຂ່າວວ່າ:"ຕົວຢ່າງຄືເມື່ອປະກົດມີບັນຫາຄວາມປອດໄພໃນການຜະລິດ,ພະນັກງານຂອງສູນບໍລິການພວກຂ້າພະເຈົ້າກໍຈະໄປຮອດທີ່ເກີດເຫດ, ພາກສ່ວນທີ່ກ່ຽວຂ້ອງແກ້ໄຂເຫດການແນວໃດ,ຂໍ້ສະຫຼຸບແມ່ນຫຍັງ,ລ້ວນແຕ່ໄດ້ຖ່າຍວິດີໂອເອົາໄວ້.ຖ້າວ່າປະກົດ ມີການກະທຳລະເມີດສິດແລະຜົນປະໂຫຍດຂອງພາລະກອນດຢ່າງແທ້ຈິງ,ພວກຂ້າພະເຈົ້າກໍຈະຊ່ອຍພາລະກອນຕໍ່ສູ້ຄະດີ."
ໃນ3ປີມານີ້,ສູນບໍລິການດັ່ງກ່າວໄດ້ຊ່ອຍແກ້ໄຂບັນຫາຕົວຈິງໃຫ້ພາລະກອນຜູ້ປະສົບຄວາມຫຍຸ້ງຍາກ1ແສນ6ໝື່ນເທື່ອຄົນ.
ເຂດຊິນຢາງ ແຂວງເຮີນານ ພາກກາງຂອງຈີນໄດ້ຖືການພັດທະນາກະສິກຳເປັນຕົ້ນຕໍ,ໃນຫຼາຍປີມານີ້,ຄຽງຄູ່ກັບຂະບວນວິວັດຫັນກະສິກຳເປັນອຸດສາຫະກຳໄດ້ເລັ່ງລັດໄວເຂົ້າ,ແຮງງານເຫຼືອເຟືອໃນຊົນນະບົດໄດ້ເພີ່ມຂຶ້ນ.ປັດຈຸບັນ,ຊາວກະສິກອນເມືອງຊິນຢາງທີ່ເຮັດວຽກຢູ່ແຫ່ງຕ່າງໆຂອງຈີນມີປະມານ1ລ້ານ4ແສນກວ່າຄົນ.ເພື່ອປົກປ້ອງສິດແລະຜົນປະໂຫຍດທີ່ຊອບກົດໝາຍຂອງແຮງງານເຫຼົ່ານີ້,ສະຫະພັນກຳມະບານເມືອງຊິນຢາງໄດ້ສ້າງກົນໄກປົກປ້ອງສິດແລະຜົນປະໂຫຍດທັງຢູ່ບ່ອນສົ່ງອອກແຮງງານແລະບ່ອນຮັບເອົາແຮງງານ.ທ່ານເສິນມິນ ປະທານສະຫະພັນກຳມະບານເມືອງຊິນຢາງບອກນັກຂ່າວວ່າ:
"ກ່ອນເຂົ້າມາເຮັດວຽກໃນເມືອງ,ຊາວກະສິກອນເຂົ້າຮ່ວມອົງການກຳມະບານຕາມກົດໝາຍວ່າດ້ວຍກຳມະບານ,ພວກຂ້າພະເຈົ້າໄດ້ເບີກໃບສະມາຊິກໃຫ້ພວກເຂົາເຈົ້າ.ເມື່ອໄປຮອດບ່ອນເຮັດວຽກແລ້ວ,ກໍຍ້າຍຄຸນວຸດທິສະມາຊິກກຳມະບານໃຫ້ກຳມະບານທ້ອງຖິ່ນດັ່ງກ່າວ.ເຮັດແນວນີ້, ເມື່ອແຮງງານປະສົບອຸບັດເຫດແລະຖືກທຳຮ້າຍ,ສິດແລະຜົນປະໂຫຍດພື້ນຖານຂອງເຂົາກໍຈະໄດ້ຮັບການຮັບປະກັນຢ່າງບັງເກີດຜົນ."
ທ່ານເສິນມິນກ່າວວ່າ,ແຕ່ເມືອງຊິນຢາງປະຕິບັດກົນໄກດັ່ງກ່າວເປັນເວລາ3ປີມານີ້ໄດ້ຮັບປະສິດທິຜົນຢ່າງເດັ່ນຊັດ.ໄດ້ສ້າງຕາໜ່າງເຄືອຂ່າຍກຳມະບານປົກປ້ອງສິດ4ຂັ້ນຄືຂັ້ນນະຄອນ,ຂັ້ນເຂດ,ຂັ້ນເມືອງ,ຂັ້ນຕາແສງ,ໄດ້ຊ່ອຍຊາວກະສິກອນທີູ່ເຮັດວຽກຢູ່ໃນເມືອງທວງຄືນເງິນເດືອນທີ່ຕິດຄ້າງລວມ140ລ້ານກວ່າຢວນ,ຊ່ອຍຊາວກະສິກອນທີ່ເຮັດວຽກຢູ່ໃນເມືອງເຊັນຂໍ້ຜູກພັນແຮງງານແລະເຊັນຂໍ້ຜູກພັນຕາມຫຼັງ3ແສນກວ່າສະບັບ,ແລະຍັງໄດ້ຊ່ອຍຊຳລະອຸບັດເຫດກຳມະກອນຖືກບາດເຈັບໃນເວລາເຮັດວຽກແລະຄະດີລ່ວງລ້ຳສິດຈຳນວນບໍ່ໜ້ອຍອີກດ້ວຍ.
1 2
|
|
|
