ກົງສູນໃຫຍ່ຂອງສະຖານກົງສູນໄທປະຈຳຄຸນມິງກ່າວຄຳປາໄສໃນພິທີໄຂງານວາງສະແດງ(ຊ້າຍ)
ກົງສູນໃຫຍ່ຂອງສະຖານກົງສູນ ໄທປະຈຳຄຸນມິງກ່າວວ່າ,ຝ່າຍໄທໄດ້ຝາກຄວາມຫວັງ ຫຼາຍນຳການຄ້າລະຫວ່າງຢຸນນານກັບໄທ.ທ່ານໄດ້ຍົກເອົາຕົວເລກມາອະທິບາຍທັດສະນະຂອງຕົນວ່າ: ຕາມສະຖິຕິຂອງສະຖານກົງສູນໃຫຍ່ໄທປະຈຳຄຸນມິງ,ປີ2004,ມີ49ພັນເທື່ອຄົນຈາກຢຸນນານໄປໄທ,ແລະກໍມີຄົນໄທຈຳນວນເທົ່າກັນມາທັດສະນາຈອນສຳຫຼວດຢຸນນານ.ໃນປີກາຍ,ຈຳນວນຄົນເຂົ້າອອກເມືອງຂອງໄທແລະຈີນມີປະມານ7ແສນເທື່ອຄົນ,ໃນນັ້ນ,ຈຳນວນຄົນຢຸນນານກັບຄົນໄທກວມ1/7,ຍອດຈຳນວນຄົນໄປມາຫາສູ່ກັນຫຼາຍກວ່າໝູ່ໃນບັນດາແຂວງເຂດແລະນະຄອນຂອງຈີນ.ສອງ,ຊາວຢຸນນານທີ່ອາໄສຢູ່ໄທມີເກືອບ4ແສນຄົນ,ໃນຫຼາຍປີມານີ້,ຊາວຈີນເຫຼົ່ານີ້ພ້ອມດ້ວຍອົງການຈັດຕັ້ງຂອງພວກເຂົາເຈົ້າເຊັ່ນສະມາຄົມຊາວຢຸນນານຢູ່ໄທເປັນຕົ້ນໄດ້ກັບຄືນມາຢາມຍາດພີ່ນ້ອງຢູ່ຈີນຫຼືໄປມາຢ້ຽມຢາມກັນຕັ້ງຫຼາຍເທື່ອ,ການແລກປ່ຽນດ້ານເສດຖະກິດການຄ້ານັບມື້ນັບຫຼາຍຂຶ້ນ.ສາມ,ການກໍ່ສ້າງທາງຫຼວງຈາກຄຸນມິງຫາບາງກອກເຊິ່ງເປັນເສັ້ນທາງສາກົນໄດ້ເຂົ້າສູ່ໄລຍະສຸດທ້າຍແລ້ວ,ຜ່ານຈາກການ ຂັບລົດສຳຫຼວດແຫຼມອິນດູຈີນ,ໄລຍະທາງ5000ກວ່າກິໂລແມັດທີ່ຈັດໂດຍສະມາຄົມເສດຖະກິດການຄ້າອາຊີປາຊີຟິກແລະກຸ່ມເອັກສໂປຢຸນນານທີ່ຈະຈັດຂຶ້ນໃນປີນີ້,ຂ້ຽວເລັ່ງບາດກ້າວກໍ່ສ້າງທາງຫຼວງຄຸນມິງບາງກອກນັ້ນໄດ້ກາຍເປັນຄວາມຮັບຮູ້ຄືກັນຂອງບັນດາຝ່າຍອີກເທື່ອໜຶ່ງ,ສະນັ້ນ,ປີນີ້ກໍໄດ້ກາຍເປັນປີສຳຄັນແຫ່ງການກໍ່ສ້າງທາງຫຼວງຈາກຄຸນມິງຫາບາງກອກ.
1 2 3
|
