|
|
 |
| (GMT+08:00)
2005-03-22 14:07:34
|
 |
|
ວົງການກິລາຈີນຕັ້ງມານະຊິງເອົາເອົາຜົນເດັ່ນໃນງານກິລາໂອລິມປິກປັກກິ່ງ(ສຽງ)
cri
Author: q
ການແລ່ນແລະລານ ການລອຍນ້ຳແລະລາຍການເທິງນ້ຳແມ່ນ 3 ປະເພດໃຫຍ່ຂອງງານກິລາໂອລິມປິກ, ມີຫຼຽນຄຳ 119 ຫຼຽນ. ສາມປະເພດນີ້ແມ່ນລາຍການຫຼ້າຫຼັງຂອງຈີນໂດຍຕະຫຼອດ. ສະນັ້ນ ຫຼັງຈາກງານກິລາໂອລິມປິກຊິດນີປີ 2000, ວົງການກິລາຈີນໄດ້ປະຕິບັດ "ໂຄງການ 119", ໄດ້ເພີ່ມການລົງທຶນໃນສາມປະເພດດັ່ງກ່າວ. ໃນງານກິລາໂອລິມປິກອາແຕນປີກາຍ, ນັກກິລາຈີນຊິງໄດ້ຫຼຽນຄຳ 4 ຫຼຽນໃນສາມປະເພດແຂ່ງຂັນດັ່ງກ່າວ, "ໂຄງການ 119" ໄດ້ຮັບຜົນໃນເບື້ອງຕົ້ນ. ເຈົ້າໜ້າທີ່ວົງການກິລາຈີນຫຼາຍທ່ານກ່າວວ່າ, ໃນໄລຍະງານກິລາໂອລິມປິກຮອບໃໝ່, ຕ້ອງສືບຕໍ່ຂຸດຄົ້ນຄວາມສາມາດບົ່ມຊ້ອນຢ່າງເຕັມສ່ວນໃນສາມປະເພດແຂ່ງຂັນດັ່ງກ່າວແລະລາຍການມວຍປ້ຳ, ເທຄວນໂດແລະລາຍການລົດຖີບເປັນຕົ້ນ, ເຮັດໃຫ້ລາຍການເຫຼົ່ານີ້ກາຍເປັນຈຸດບຸກທະລຸໃໝ່ຂອງຄະນະນັກກິລາຈີນ. ໃນງານກິລາໂອລິມປິກອາແຕນປີກາຍ, ທ້າວຢາງເວິນຈຸນແລະທ້າວເມິ້ງກວນລຽງຊິງໄດ້ຫຼຽນຄຳໃນການແຂ່ງຂັນພາຍເຮືອຢາງສອງຄົນເພດຊາຍ500 ແມັດ, ເປັນຫຼຽນຄຳຫຼຽນທຳອິດຂອງຈີນໃນລາຍການແຂ່ງຂັນເທິງນ້ຳ, ທ່ານເວິຍຕີ ຫົວໜ້າສູນຄຸ້ມຄອງກິລາເທິງນ້ຳກົມໃຫຍ່ກິລາແຫ່ງຊາດຈີນເວົ້າວ່າ:
"ເວົ້າສຳລັບພວກຂ້າພະເຈົ້າແລ້ວ, ການແຂ່ງຂັນພາຍເຮືອຢາງສອງຄົນເພດຊາຍໃນງານກິລາໂອລິມປິກອາແຕນໄດ້ສຳເລັດຜົນ ນັມເປັນບົດຮຽນດີ. ໃນລາຍການເທິງນ້ຳມີຫຼຽນຄຳ 41 ຫຼຽນນັ້ນ, ແລະຫຼຽນຄຳການແຂ່ງຂັນພາຍເຮືອສອງຄົນເພດຊາຍ 500ແມັດແມ່ນສຳຄັນກວ່າໝູ່, ເພາະວ່າລາຍການນີ້ໃຊ້ເຕັກນິກຍາກທີ່ສຸດ, ສະນັ້ນ ໂດຍປະເຊີນໜ້າກັບງານກິລາໂອລິມປິກປີ 2008, ສູນກິລາເທິງນ້ຳພວກຂ້າພະເຈົ້າໄດ້ວາງຄາດໝາຍ ກໍ່ຄື ບົນພື້ນຖານຊິງໄດ້ຫຼຽນຄຳຫຼຽນທຳອິດໃນງານກິລາໂອລິມປິກປີ 2004, ອອກແຮງສຸດຂີດຍາດແຍ່ງໃຫ້ມີການບຸກທະລຸຮອບດ້ານໃນລາຍການເທິງນ້ຳໃນງານກິລາໂອລິມປິກປີ 2008. ສ່ວນລາຍການເຮືອໃບແລະແປ້ນໃບລົມ, ໃນງານກິລາໂອລິມປິກທຸກຄັ້ງທີ່ຜ່ານມາ, ນັກກິລາຍິງຊາຍຂອງພວກຂ້າພະເຈົ້າກໍ່ມີການສະແດງຈົບງາມ, ເທື່ອນີ້ຈີນເປັນປະເທດເຈົ້າພາບ, ພວກຂ້າພະເຈົ້າກໍ່ຫວັງ ຊິງໄດ້ຫຼຽນຄຳຂອງລາຍການດັ່ງກ່າວ."
ນອກຈາກຂະຫຍາຍລາຍການທ່າແຮງໃໝ່ແລ້ວ, ຈະປັບປຸງລາຍການທ່າແຮງດັ້ງເດີມຂອງຕົນແນວໃດນັ້ນ ກໍ່ແມ່ນຈຸດໜັກທີ່ວົງການກິລາຈີນເອົາໃຈໃສ່ນຳ. ທ່ານໄຊ້ເຈີ້ນຮວາ ຫົວໜ້າສູນປິ່ງປ່ອງດອກປີກໄກ່ກົມໃຫຍ່ກິລາແຫ່ງຊາດຈີນກ່າວວ່າ, ເຖິງວ່າປິງປອງແລະດອກປີກໄກ່ຂອງຈີນມີທ່າແຮງເປັນເວລາດົນນານແລ້ວກໍ່ຕາມ, ແຕ່ໃນປະເພດປິງປອງ, ລາຍການຕີຄູ່ເພດຍິງຂອງສ.ເກົາຫຼີ ແລະລາຍການຕີດ່ຽວເພດຊາຍຂອງສ.ເກົາຫຼີແລະເອີລົບກໍ່ໄດ້ຂົ່ມຂູ່ນັກກິລາຈີນຕະຫຼອດມາ; ໃນຂົງເຂດດອກປີກໄກ່, ນັກກິລາຈີນກໍ່ປະເຊີນກັບສິ່ງທ້າທາຍຢ່າງແຂງແຮງຈາກນັກກິລາດານມາກ ອິນໂດເນເຊຍແລະສ.ເກົາຫຼີ. ສະນັ້ນ ພາຍໃນ 4 ປີຂ້າງໜ້າ, ທີມປິງປອງແລະທີມດອກປີກໄກ່ຂອງຈີນຈະຕັ້ງໜ້າສະແຫວງຫາການບຸກທະລຸດ້ານເຕັກນິກແລະຍຸດທະວິທີ, ພ້ອມກັນນັ້ນ ຕັ້ງໜ້າບຳລຸງສ້າງນັກກິລາໜຸ່ມ, ຜ່ານຈາກການປະດິດສ້າງຢ່າງບໍ່ຢຸດຢັ້ງ ເຮັດໃຫ້ທີມຈີນຢູ່ໃນທ່າແຮງຕໍ່ໄປໃນສອງລາຍການດັ່ງກ່າວ.
ເຈົ້າໜ້າທີ່ກົມໃຫຍ່ກິລາແຫ່ງຊາດຈີນຊີ້ອອກວ່າ, ໂດຍຄຳນຶງເຖິງສ້າງບັນຍາກາດອັນຟົດຟື້ນຢູ່ປະເທດເຈົ້າພາບ, ກະຕຸກຄວາມກະຕືລືລົ້ນຂອງປະຊາຊົນຈີນທົ່ວປະເທດທີ່ມີຕໍ່ງານໂອລິມປິກ, ໃນງານກິລາໂອລິມປິກປັກກິ່ງ, ຄະນະນັກກິລາຈີນຍັງຕ້ອງຊິງໄດ້ຜົນເດັ່ນໃນບານປະເພດຮວມໝູ່ທີ່ໜ້າຊົມແລະມີຜົນສະທ້ອນຫຼາຍ. ກ່ຽວກັບບັນຫານີ້, ທ່ານສິລີ້ຫົວໜ້າສູນບານສົ່ງກົມໃຫຍ່ກິລາແຫ່ງຊາດຈີນເວົ້າວ່າ:
"ໃນກິລາແຂ່ງຂັນ, ປະເພດຮວມໝູ່ມີຖານະຂ້ອນຂ້າງສຳຄັນ,ມີຜົນສະທ້ອນຂ້ອນຂ້າງຫຼາຍ,ໄດ້ຮັບຄວາມສົນໃຈນຳຫຼາຍ.ຜົນງານຂອງພວກເຂົາເຈົ້າມີຜົນສະທ້ອນຂ້ອນຂ້າງຫຼາຍຕໍ່ທົ່ວຄະນະນັກກິລາແລະກິລາແຂ່ງຂັນຂອງທົ່ວປະເທດ. ທິມບານສົ່ງເພດຍິງຈີນຊິງໄດ້ຫຼຽນຄຳໃນງານກິລາໂອລິມປິກອາແຕນ,ເວົ້າສຳລັບງານກິລາໂອລິມປິກປີ 2008 ແລ້ວ,ຈຸດເລີ່ມຕົ້ນຂອງພວກຂ້າພະເຈົ້າຍິ່ງສູງ, ມີຄວາມກົດດັນຍິ່ງໃຫຍ່, ແຕ່ບານສົ່ງເພດຍິງຈີນຈະສຸມກຳລັງສຸດຂີດເຮັດຫຼ້ອນໜ້າທີ່ຊິງຫຼຽນຄຳ.
1 2
|
|
|
