|
|
 |
| (GMT+08:00)
2006-06-28 15:30:24
|
 |
|
ຈີນຈະພະຍາຍາມຍາດແຍ່ງເຮັດໃຫ້ທາງລົດໄຟຊິງຫາຍຕິເບດກາຍເປັນເສັ້ນທາງທ່ອງທ່ຽວລະດັບຍອດຢ້ຽມຂອງຈີນ
cri
Author: sayvanny
ຕາມຂ່າວສານຊີນຮວາ:ຫວ່າງມໍ່ໆນີ້, ທ່ານຊາວຊີເວີຍ ຫົວຫນ້າກົມທ່ອງທ່ຽວແຫ່ງຊາດຈີນເວົ້າວ່າ, ຍ້ອນທີວທັດທຳມະຊາດແລະທີວທັດວັດທະນະທຳຂອງພູພຽງຕິເບດມີລັກສະນະພິເສດແລະລັກສະນະພຽງອັນດຽວໃນໂລກ, ສະນັ້ນການສ້າງສຳເລັດແລະແລ່ນລົດຂອງທາງລົດໄຟຊິງຫາຍຕິເບດໄດ້ເພີ່ມຈຸດຮຸ່ງໃຫມ່ໃຫ້ແກ່ການທ່ອງທ່ຽວຂອງຈີນ.ຈີນຈະພະຍາຍາມເຮັດໃຫ້ທາງລົດໄຟຊິງຫາຍຕິເບດກາຍເປັນເສັ້ນທາງທ່ອງທ່ຽວລະດັບຍອດຢ້ຽມຂອງຈີນ.
ທາງລົດໄຟຊິງຫາຍຕິເບດເລີ່ມຈາກເມືອງຊີນິງ ເທດສະບານແຂວງຊິງຫາຍ, ໄປທິດຕາເວັນຕົກຮອດເມືອງລາຊາເທດສະບານເຂດຕິເບດ ປົກຄອງຕົນເອງ,ຢູ່ຕາມທາງນີ້ມີຊັບພະຍາກອນທ່ອງທ່ຽວອຸດົມສົມບູນ, ມີພາວວິວທີວທັດທຳມະຊາດຕ່າງໆຄື ຫນອງຊິງຫາຍເປັນຕົ້ນ,ກໍ່ມີວັງປູຕາລາແລະວັດທາເອີທີ່ໄດ້ໂຮມສູນສະແດງສະເຫນດ້ານສາສະຫນາ ສິນລະປະແລະການກໍ່ສ້າງ,ພ້ອມທັງສັດປ່າລ້ຳຄ່າທີ່ໄດ້ຮັບການອະນຸລັກຊະນິດຕ່າງໆ.
ທ່ານຊາວຊີເວີຍແນະນຳວ່າ, ການສ້າງສຳເລັດແລະແລ່ນລົດຂອງທາງລົດໄຟຊິງຫາຍຕິເບດຈະຊຸກຍູ້ການພັດທະນາແລະນຳໃຊ້ຊັບພະ ຍາກອນການທ່ອງທ່ຽວທີ່ອຸດົມສົມບຸນແລະມີເອກະລັກພິເສດຂອງພູພຽງຊິງຫາຍຕິເບດ,ພ້ອມກັນນັ້ນຈະຊຸກຍູ້ການທ່ອງທ່ຽວຊິງຫາຍຕິເບດເປີດປະຕູສູ່ພາຍນອກຕື່ມອີກ.ທ່ານຍັງກ່າວວ່າ, ພາກສ່ວນທີ່ກ່ຽວຂ້ອງຈະແກ້ໄຂການພົວພັນລະຫວ່າງການພັດທະນາການທ່ອງທ່ຽວກັບການອະນຸລັກຊີວະພາບໃຫ້ດີ.
|
|
|
