|
|
 |
| (GMT+08:00)
2008-06-01 19:57:58
|
 |
|
ລັດຖະບານໄທປະກາດປະລະການຂັບໄລ່ຜູ່ເຂົ້າຮ່ວມການໂຮມຊຸມນຸມທີ່ຕ້ານລັດຖະບານ
cri
ຕາມຂ່າວCRI,ຕອນຄ່ຳວັນທີ31ພຶດສະພາທີ່ຜ່ານມາ,ທ່ານສະເຫຼີມຢູ່ບຳລຸງ ລັດຖະມົນຕີວ່າການກະຊວງມະຫາດໄທຂອງໄທປະກາດວ່າ,ລັດຖະບານໄດ້ຕົກລົງປະລະການຂັບໄລ່ຜູ່ເຂົ້າຮ່ວມການ ໂຮມຊຸມນຸນທີ່ຕ້ານລັດຖະບານຢ່າງຂະໜາດໃຫຍ່,ແຕ່ວ່າຫວັງໃຫ້ການໂຮມຊຸມນຸມດຳເນີນຢູ່ພາຍໃນຂອບກົດໝາຍ.
ທ່ານສະເຫຼີມກ່າວວ່າ,ທ່ານແມ່ນປະກາດການຕົກລົງດັ່ງກ່າວໂດຍໄດ້ຮັບຄວາມມອບໝາຍຈາກທ່ານສະໝັກສຸນທໍລະເວດ ນາຍົກລັດຖະມົນຕີ.ພ້ອມກັນນັ້ນ,ທ່ານຍັງໄດ້ໃຫ້ຄຳອະທິບາຍກ່ຽວກັບທ່ານສະໝັກປະກາດໃຊ້ການກະທຳຂັບໄລ່ຜູ່ເຂົ້າຮ່ວມການໂຮມຊຸມນຸມທີ່ຕ້ານລັດຖະບານໃນວັນທີ31ພຶດສະພານີ້.ທ່ານສະເຫຼີມກ່າວວ່າ,ໃນເວລານັ້ນ,ທ່ານສະໝັກໄດ້ຮັບການລາຍງານວ່າມີຄົນຈະກໍ່ເຫດການກໍ່ການຮ້າຍໃນການໂຮມຊຸມນຸມ,ສະນັ້ນຈິ່ງມີການຕົກລົງດັ່ງກ່າວ,ສ່ວນປັດຈຸບັນ,ລັດຖະບານໄດ້ກຳຈັດຄວາມອັດຕະລາຍທີ່ແຝງຊ້ອນຢູ່ແລະມີຄວາມໝັ້ນໃຈຄວບຄຸມສະຖານະການໄວ້ໄດ້,ສະນັ້ນ,ຈິ່ງບໍ່ມີຄວາມຈຳເປັນຈະຂັບໄລ່ຜູ່ເຂົ້າຮ່ວມການໂຮມຊຸມນຸມ.
ການໂຮມຊຸມນຸມຕ້ານລັດຖະບານຢ່າງຂະໜາດໃຫຍ່ທີ່ອົງການສະຫະພັນປະຊາທິປະໄຕປະຊາຊົນຈັດຕັ້ງມາແຕ່ວັນທີ25ພຶດສະພາແລ້ວນີ້ໄດ້ສືບຕໍ່ດຳເນີນຢູ່ໃຈກາງນະຄອນຫຼວງບາງກອກ.
|
|
|
