|
ຕາມຂ່າວ cri:ວັນທີ 19 ພຶດສະພານີ້ ສະຖານທູດແລະສະຖານກົງສູນຈີນປະຈຳຕ່າງປະເທດ ສຳນັກງານຜູ່ແທນຈີນປະຈຳອົງການຈັດຕັ້ງສາກົນ ອົງການທຶນຈີນປະຈຳຕ່າງປະເທດພ້ອມດ້ວຍຊາວຈີນແລະຈີນຕ່າງດ້າວທີ່ຢູ່ຕ່າງປະເທດໄດ້ຈັດພິທີໄວ້ອາໄລເຖິງດວງວິນຍານຂອງຜູ່ເສຍຊີວິດໃນແຜ່ນດິນໄຫວທີ່ເກີດຂຶ້ນຢູ່ເມືອງເວີ້ນຊ່ວນແຂວງເສສວນ.
ເລີ່ມແຕ່ຕອນເຊົ້າວັນທີ 19 ພຶດສະພານີ້, ສະຖານທູດແລະສະຖານກົງສູນຈີນປະຈຳຕ່າງປະເທດ ສຳນັກງານຜູ່ແທນຈີນປະຈຳອົງການຈັດຕັ້ງສາກົນແລະອົງການທຶນຈີນປະຈຳປະເທດຕ່າງໆໄດ້ຈັດພິທີຊັກທຸງລົງເຄິ່ງເສົາເພື່ອໄວ້ອາໄລເຖິງຜູູ່ເສຍຊີວິດໃນແຜ່ນດິນໄຫວ.ສະຖານທູສະຖານກົງສູນດຈີນປະຈຳຕ່າງປະເທດແລະສຳນັກງານຜູ່ແທນຈີນປະຈຳອົງການຈັດຕັ້ງສາກົນຍັງໄດ້ຈັດໃຫ້ມີປື້ມຂຽນຄຳໄວ້ອາໄລ,ເພື່ອໃຫ້ບຸກຄົນວົງການຕ່າງໆ ຊາວຈີນ ຈີນຕ່າງດ້າວແລະເພື່ອນຜູ່ມີມິດຕະພາບຂອງຕ່າງປະເທດໄປໄວ້ອາໄລ.
ເວລາ 14 ໂມງ 28 ນາທີ ເວລາປັກກິ່ງ, ພະນັກງານຂອງສະຖານທູດແລະສະຖານກົງສູນຈີນປະຈຳຕ່າງປະເທດ ສຳນັກງານຜູ່ແທນຈີນປະຈຳອົງການຈັດຕັ້ງສາກົນ ອົງການທຶນຈີນປະຈຳຕ່າງປະເທດ ນາຍແລະພົນທະຫານຂອງກອງທະຫານຮັກສາສັນຕິພາບຈີນ ສະມາຊິກຫນ່ວຍແພດຂອງຈີນພ້ອມກັບປະຊາຊົນຈີນທີ່ຢູ່ພາຍໃນປະເທດ,ກົ້ມຫົວລົງເປັນເວລາ 3 ນາທີ, ເພື່ອໄວ້ອາໄລເຖິງດວງວິນຍານຂອງຜູ່ເສຍຊີວິດໃນແຜ່ນດິນໄຫວເທື່ອນີ້ຢ່າງເສົ້າສະຫລົດໃຈ.
1 2 3 4 5
|
