ຕາມ​ຂ່າວCRI,ວັນ​ທີ19​ພຶດສ​ະພາ​ນີ້,ປະຊາ​ຄົມ​ໂລກ​ພາກັນ​ໃຊ້​ຮູບ​ການຕ່າງໆ​ຮ່ວມ​ກັບ​ປະ​ຊາ​ຊົນ​ຈີນ​ໄວ້ອາ​ໄລ​ດ້ວຍ​ຄວາມ​ເສົ້າ​ສະຫຼົດ​ໃຈ​ຕໍ່​ຜູ່​ເສຍ​ຊີວິດ​ຍ້ອນ​ແຜ່ນດິນ​ໄຫວ​ຮ້າຍ​ແຮງ​ທີ່​ເກີດ​ຂຶ້ນ​ຢູ່​ເມືອງ​ເວິ້ນຊ່ວນ​ແຂວງ​ເສ​ສວນ​ຈີນ.ວັນ​ທີ19​ພຶດສະພາ​ນີ້,ທ່ານ​ບານ​ກີ​ມູນ​ເລ​ຂາ​ທິ​ການ​ໃຫຍ່​ສະ​ຫະ​ປະຊາ​ຊາດ​ໄດ້​ໄປ​ສະ​ຖານ​ທີ່​ຄະ​ນະ​ຜູ່​ແທນ​ຈີນ​ປະຈຳ​ສະຫະ​ປະຊາ​ຊາດ​,​ໄວ້ອາ​ໄລ​ຕໍ່​ຜູ່​ເສຍ​ຊີ​ວິດ​ຍ້ອນ​ແຜ່ນດິນ​ໄຫວ​ເມື​ອງ​ເວິ້ນ​ຊວນ​ຈີນ.ມື້​ດຽວ​ກັນ,​ທ່ານ​ປາສ​ການ ລາ​ມີ ຜູ່​ອຳ​ນວຍ​ການ​ໃຫຍ່​ອົງການ​ການ​ຄ້າ​ໂລກ​ຫຼື​WTOກໍ່​ໄປ​ຮອດ​ສະ​ຖານ​ທີ່​ຄະ​ນະ​ຜູ່​ແທນ​ຈີນ​ປະ​ຈຳ​ອົງ​ການ​ການ​ຄ້າ​ໂລກ​ທີ່​ເຊີ​ແນວ​ເພື່ອ​ໄວ້ອາ​ໄລ​ຜູ່​ເສຍ​ຊີວິດ.

ໃນ​ພິທີ​ໄຂ​ກອງ​ປະຊຸມ​ອະນາ​ໄມ​ໂລກ​ຄັ້ງ​ທີ​61​ທີ່​ຈັດ​ຂຶ້ນ​ຢູ່​ເຊີ​ແນວ​ໃນ​ວັນ​ທີ​19​ພຶດ​ສະ​ພາ​ນີ້,​ຜູ່​ແທນຂອງ193​ປະ​ເທດ​ສະ​ມາ​ຊິກ​ຂອງ​ອົງ​ການ​ອະ​ນາ​ໄມ​ໂລກ​ໄດ້​ຢືນ​ສະ​ຫງົບ​ນິ້ງ​ກົ້ມ​ຫົວ​ໄວ້​ອາ​ໄລ1​ນາທີ​ຕໍ່​ຜູ່​ເສຍ​ຊີ​ວິດ​ໃນ​ແຜ່ນ​ດິນ​ໄຫວ​ຈີນ​ແລະ​ຜູ່​ເສຍ​ຊີ​ວິດ​ຍ້ອນ​ລົມ​ພາ​ຍຸ​ແຖບ​ຮ້ອນ​ຮ້າຍ​ແຮງ​ຂອງ​ມຽນມາ.

ເວລາ14​ໂມງ28​ນາ​ທີ​ຂອງ ວັນ​ທີ​19​ພຶດ​ສະ​ພາ​ນີ້ ຕາມ​ເວ​ລາ​ປັກ​ກິ່ງ,​ສປປ​ເກົາ​ຫຼີ​ໄດ້​ເປີດ​ສັນ​ຍານ​ເຕືອນ​ໄພ​ທາງ​ອາກາດ​ເພື່ອ​ໄວ້​ອາ​ໄລ​ຜູ່​ເສຍ​ຊີວິດ​ຍ້ອນ​ແຜ່ນ​ດິນ​ໄຫວ​ຄື​ດັ່ງ​ປະ​ຊາ​ຊົນ​ຈີນ.

ວັນທີ19ພຶດສະພານີ້,ທ່ານຊາໂຄຊີ ປະທານາທິບໍດີຝະຣັ່ງໄປສະຖານທູດຈີນປະຈຳ
ຝະຣັ່ງເພື່ອໄວ້ອາໄລຜູ່ເສຍຊີວິດຍ້ອນແຜ່ນດິນໄຫວຈີນ,ທ່ານໄດ້ໃຫ້ສຳພາດຕໍ່ສື່ມວນຊົນ

ວັນ​ທີ19​ພຶດສະ​ພາ​ນີ້,ບຸກຄົນ​ສຳຄັນ​ດ້ານການ​ເມືອງຂອງ​ຫວຽດ​ນາມ,​ສ​ເກົາ​ຫຼີ ບັງ​ກະລາ​ເດັດ ກາ​ຊັກ​ສະ​ຖານ ອູ​ກັນດາ ຝະຣັ່ງ​ແລະອີ​ຕາ​ລີ​ແລະ​ປະ​ເທດ​ອື່ນໆ​ກໍ່​ໄປ​ຮອດ​ສະ​ຖານ​ທູດ​ຈີນ​ປະ​ຈຳ​ປະ​ເທດ​ຕົນ​ເພື່ອ​ສະ​ແດງ​ຄວາມ​ໄວ້ອາ​ໄລ​ຕໍ່​ຜູ່​ເສຍ​ຊີວິດ​ຍ້ອນ​ແຜ່ນດິນ​ໄຫວ,​ແລະ​ສະ​ແດງ​ຄວາມ​ເຫັນ​ໃຈ​ຕໍ່​ປະຊາຊົນ​ຈີນ​ທີ່​ພວມ​ກູ້​ໄພ​ຢູ່.

ວັນທີ19ພຶດສະພານີ້,ຢູ່ສະຖານທູດຈີນປະຈຳຝະຣັ່ງ,ທ່ານຊາໂຄຊີຂຽນຄຳໄວ້ອາໄລ ໃສ່ປຶ້ມຂຽນຄວາມໄວ້ອາໄລຜູ່ເສຍຊີວິດໃນແຜ່ນດິນໄຫວຈີນ.

ມື້​ດຽວ​ກັນ,ບຸກຄົນ​ໄມຕີ​ຈິດຢູ່​ແຫ່ງ​ທີ່​ເປັນ​ທີ່ຕັ້ງ​ຂອງ​ອົງການ​ຈີນ​ປະຈຳ​ຕ່າງປະ​ເທດ​ແລະ​ທູ​ຕາ​ນຸ​ທູດ​ປະ​ເທດ​ຕ່າງໆ​ກໍ່​ໄດ້​ພາ​ກັນ​ໄປ​ອົງ​ການ​ຈີນປະຈຳ​ຕ່າງປະ​ເທດ​ເພື່ອ​ໄວ້ອາ​ໄລ​ຜູ່​ເສຍ​ຊີ​ວິດ​ຍ້ອນ​ແຜ່ນດິນ​ໄຫວ​ຮ້າຍ​ແຮງ​ເມືອງ​ເວິ້ນ​ຊວນ​ຈີນ.

ວັນທີ19ພຶດສະພານີ້,ຢູ່ແບັກແລງ ນະຄອນຫຼວງເຢຍລະມັນ,ຊາວຈີນຕ່າງດ້າວ,ນັກສຶກສາຈີນທີ່ຢູ່ແບັກແລງແລະເພື່ອນມິດເຢຍລະມັນຈັດພິທີ
ໄວ້ອາໄລຜູ່ເສຍຊີວິດໃນແຜ່ນດິນໄຫວຈີນ