|
|
 |
| (GMT+08:00)
2008-05-13 16:03:46
|
 |
|
ຜູ່ນຳຕ່າງປະເທດຊຶ່ງລວມທັງລາວສືບຕໍ່ສະແດງຄວາມເຫັນໃຈຕໍ່ໄພແຜ່ນດິນໄຫວຢູ່ຈີນ
cri
Author: d
ຕາມຂ່າວCRI: ວັນທີ13ພຶດສະພານີ້ ຜູ່ນຳແລະລັດຖະບານຈຳນວນໜຶ່ງຊຶ່ງລວມທັງລາວສືບຕໍ່ສົ່ງໂທລະເລກໄປຍັງທ່ານຫູຈິນທາວປະທານປະເທດຈີນແລະທ່ານເວີນເຈຍປາວນາຍົກລັດຖະມົນຕີຈີນ ຫຼືອອກຖະແຫຼງການເພື່ອສະແດງຄວາມເຫັນໃຈຕໍ່ໄພແຜ່ນດິນໄຫວຮຸນແຮງຢູ່ເວີ້ນຊ່ວນແຂວງເຊສວນຂອງຈີນ.
ທ່ານຈູມມະລີ ໄຊຍະສອນ ປະທານປະເທດລາວແລະທ່ານບົວສອນ ບຸບຜາວັນ ນາຍົກລັດຖະມົນຕີລາວສະແດງຄວາມເຫັນໃຈຢ່າງເລິກຕໍ່ລັດຖະບານແລະປະຊາຊົນຈີນ,ເຊື່ອວ່າປະຊາຊົນຈີນຈະຟື້ນຟູການຜະລິດແລະຊີວິດການເປັນຢູ່ເປັນປົກກະຕິໂດຍໄວຢ່າງແນ່ນອນ.
ທ່ານດີມີຕຣີ ເມັດເວເດັຟ ປະທານາທິບໍດີຣັດເຊຍສະແດງຄວາມເຫັນໃຈອັນເລິກເຊິ່ງຕໍ່ແຜ່ນດິນໄຫວຢູ່ເຊສວນ,ສະແດງຄວາມຢື້ຢ້າມຖາມຂ່າວອັນຈິງໃຈຕໍ່ຄອບຄົບຂອງຜູ່ປະສົບໄພ.ທ່ານວະລາດີເມຍ ປູຕີນ ນາຍົກລັດຖະມົນຕີກ່າວວ່າ,ຣັດເຊຍຍິນດີສະໜອງການຊ່ວຍເຫຼືອທີ່ຈຳເປັນຕໍ່ວຽກງານຊ່ວຍເຫຼືອກູ້ໄພ.
ທ່ານໂບໄຊສຄູ ປະທານາທິບໍດີຣູມານີເຊື່ອວ່າ ລັດຖະບານຈີນມີຄວາມສາມາດນຳພາປະຊາຊົນຜ່ານຜ່າຄວາມຫຍຸ້ງຍາກ,ສ້າງບ້ານແປງເມືອງຄືນໃໝ່ໂດຍໄວ,ໃນເວລາເພື່ອນມິດຈີນປະສົບຄວາມຫຍຸ້ງຍາກ,ຣູມານີຍິນດີສະໜອງການຊ່ວຍເຫຼືອທີ່ຈຳເປັນຕາມຄວາມສາມາດຂອງຕົນ.
ທ່ານມູຊາລັຟ ປະທານາທິບໍດີ ແລະທ່ານຈີລານີ ນາຍົກລັດຖະມົນຕີຂອງປາກີສະຖານກ່າວວ່າ,ເຊື່ອວ່າປະຊາຊົນຈີນທີ່ບໍ່ງໍ້ງ່ຽງຕໍ່ອຸປະສັກໃດໆຍ່ອມຈະສ້າງບ້ານແປງເມືອງຄືນໃໝ່ພາຍໃນເວລາສັ້ນທີ່ສຸດ,ປະຊາຊົນປາກີສະຖານຈະອອກແຮງສຸດຂີດຊ່ວຍເຫຼືອປະຊາຊົນຈີນທີ່ຍິ່ງໃຫຍ່.
ທ່ານລີມຽງບັກ ປະທານາທິບໍດີສ.ເກົາຫຼີສະແດງຄວາມໄວ້ອາໄລອັນເລິກເຊິ່ງຕໍ່ຜູ່ເສຍຊີວິດ,ແລະແນະນຳໃຫ້ພາກສ່ວນທີ່ກ່ຽວຂ້ອງຂອງສ.ເກົາຫຼີສະໜອງການຊ່ວຍເຫຼືອໃຫ້ຈີນ.
ນອກນີ້,ເຈົ້າຊີວິດຂອງຊັອກດານີ ປະທານາທິບໍດີຂອງອີຕາລີ ໂປໂລຍ ເບຼຊິນແລະແມັກຊິກກໍ່ສະແດງຄວາມໄວ້ອາໄລຕໍ່ຜູ່ເສຍຊີວິດ.ກະຊວງການຕ່າງປະເທດຂອງຍິ່ປຸ່ນ ພູຖານ ອິສຣາແອນແລະອາກຊັງຕີນກໍຕ່າງໄດ້ສະແດງຄວາມເຫັນໃຈຕໍ່ຈີນ.
|
|
|
