|
ທະນາຄານພັດທະນາອາຊີຄາດວ່າ ເສດຖະກິດອາຊີໃນປີນີ້ຈະເຕີບໂຕຕໍ່ໄປ
cri
Author: mo
ຕາມຂ່າວສານຊີນຮວາ: ບົດລາຍງານຂອງທະນາຄານພັດທະນາອາຊີທີ່ເຜີຍແຜ່ໃນວັນທີ 2 ເມສານີ້ຄາດວ່າ, ປີນີ້, ເສດຖະກິດຂອງປະເທດພວມພັດທະນາແລະເຂດແຄວ້ນຂອງອາຊີຈະເຕີບໂຕ 7,6%.
ບົດລາຍງານທີ່ມີຫົວຂໍ້ວ່າ"ເບິ່ງການພັດທະນາອາຊີປີ 2008"ທີ່ທະນາຄານພັດທະນາອາຊີເຜີຍແຜ່ຢູ່ຮົງກົງຈີນໃນວັນທີ 2 ເມສານີ້ຂຽນວ່າ, ເຖິງວ່າໄດ້ຮັບຜົນສະທ້ອນທາງລົບຈາກປັດໃຈຕ່າງໆເຊັ່ນເສດຖະກິດຂອງອົງກອນເສດຖະກິດຕົ້ນຕໍຂອງຝ່າຍຕາເວັນຕົກເຕີບໂຕຊ້າລົງ, ລາຄາຂອງອາຫານແລະວັດຖຸເຊື້ອໄຟແພງຂຶ້ນ, ແລະວິກິດການດ້ານເງິນກູ້ຂອງອາເມລິກາກໍ່ຕາມ, ແຕ່ປີນີ້, ເສດຖະກິດຂອງປະເທດພວມພັດທະນາ ແລະເຂດແຄວ້ນອາຊີຍັງຈະເຕີບໂຕຕໍ່ໄປ.
ພ້ອມກັນນັ້ນ, ບົດລາຍງານຊີ້ອອກວ່າ, ຍ້ອນຖືກຜົນກະທົບຈາກວິກິດການເງິນກູ້ອາເມລິກາແລະປັດໃຈອື່ນໆ, ເສດຖະກິດຂອງປະເທດທີ່ພວມພັດທະນາແລະເຂດແຄວ້ນຂອງອາຊີຈະເຕີບໂຕອ່າວຊ້າໜ້ອຍໜຶ່ງ, ຕ່ຳກວ່າລະດັບປີກາຍນີ້. ພ້ອມກັນນັ້ນ, ບາງປະເທດພວມພັດທະນາແລະເຂດແຄວ້ນຍັງປະເຊີນຄວາມກົດດັນທີ່ລາຄາສູງຂຶ້ນ.
|
|
