|
ຕາມຂ່າວສານຊິນຮວາ:ວັນທີ24ມີນານີ້ ທ່ານຫງວຽນເຕິນຢຸງ ນາຍົກລັດຖະມົນຕີຫວຽດນາມ ກັບ ທ່ານສະໝັກ ສູນທໍລະເວດ ນາຍົກລັດຖະມົນຕີໄທໄດ້ພົບປະເຈລະຈາ ກັນແລະຕົກລົງຊຸກຍູ້ການຮ່ວມມືໃນດ້ານເສດຖະກິດການຄ້າ ແລະ ການລົງທຶນລະຫວ່າງສອງປະເທດຕັ້ງເປົ້າໝາຍວ່າຮອດປີ2010 ເຮັດໃຫ້ມູນຄ່າການຄ້າລະຫວ່າງສອງປະເທດບັນລຸ10ຕື້ໂດລາ.
ໃນເວລາພົບປະເຈລະຈາກັນ,ທ່ານຫງວຽນເຕິນຢຸງ ກັບ ທ່ານສະໝັກ ສູນທໍລະເວດໄດ້ແລກປ່ຽນຄວາມຄິດຄວາມເຫັນກ່ຽວກັບສອງປະເທດຈັດການຮ່ວມມືໃນດ້ານຕ່າງໆ ເຊັ່ນ,ການເມືອງ,ຄວາມປອດໄພ,ການຄ້າ ແລະ ການລົງທຶນເປັນຕົ້ນ.
ສອງຝ່າຍເປັນເອກະສັນກັນວ່າ ຈະເພິ່ມທະວີການຮ່ວມມືໃນດ້ານຄົມມະນາຄົມຂົນສົ່ງ,ສາທາລະນະສຸກ,ເຂົ້າສານ ແລະ ການຜະລິດຢາງພາລາເປັນຕົ້ນ. ສອງຝ່າຍຍັງໄດ້ແລກປ່ຽນຄວາມຄິດຄວາມເຫັນຕໍ່ບັນຫາພາກພື້ນ ແລະ ສາກົນທີ່ສອງປະເທດສົນໃຈຮ່ວມກັນ.
ຫຼັງຈາກການເຈລະຈາ,ສອງປະເທດໄດ້ເຊັນອະນຸສັນຍາກ່ຽວກັບຕ້ານການຄ້າມະນຸດ.
|
