|
|
 |
| (GMT+08:00)
2008-01-30 17:51:29
|
 |
|
ຜູ່ນຳບາງປະເທດເອີລົບເຫັນວ່າເສດຖະກິດເອີລົບຍັງແຂງແຮງໂດຍພື້ນຖານ
cri
|
ຕາມຂ່າວCRI,ວັນທີ29ມັງກອນນີ້, ທ່ານກໍດອນ ບຼາວ ນາຍົກລັດຖະມົນຕີອັງກິດ ທ່ານນິໂກລາສ ຊາໂຄຊີ ປະທານາທິບໍດີຝະຣັ່ງ ນາງເອນຈີລາ ເມີເກນ ນາຍົກລັດຖະມົນຕີເຢຍ ທ່ານໂລມາໂນໂປຼດີ ນາຍົກລັດຖະມົນຕີອີຕາລີ ທ່ານໂຈສ; ມາເນນ ບາໂລໂຊ ປະທານຄະນະກຳມະການສະຫະພາບເອີລົບໄດ້ຈັດກອງປະຊຸມສຸດຍອດຂະໜາດນ້ອຍຢູ່ລອນດອນ,ເພື່ອປຶກສາຫາລືບັນຫາກ່ຽວກັບສະພາບປັ່ນປ່ວນຂອງການເງິນທົ່ວໂລກໃນປັດຈຸບັນແລະບັນຫາເສດຖະກິດໂລກ.ຖະແຫຼງການຮ່ວມທີ່ປະກາດຫຼັງກອງປະຊຸມກ່າວວ່າ,ເສດຖະກິດເອີລົບຍັງແຂງແຮງໂດຍພື້ນຖານ,ການປະກອບອາຊີບໄດ້ເພີ່ມຂຶ້ນຕໍ່ໄປ.ຜູ່ຮ່ວມປະຊຸມເປັນເອກະສັນກັນເຫັນວ່າ,ມີຄວາມຈຳເປັນປະຕິຮູບໂຄງປະກອບເສດຖະກິດໃນປັດຈຸບັນ,ເພື່ອຮັບມືກັບການທ້າທາຍທີ່ເສດຖະກິດໂລກໄດ້ຮັບຜົນກະທົບຢ່າງຮຸນແຮງ.ກອງປະຊຸມຮຽກຮ້ອງໃຫ້ໃຊ້ມາດຕະການເພີ່ມຄວາມໂປ່ງໃສຂອງອົງການການທະນາຄານແລະສ້າງກົນໄກເຕືອນໄພເສດຖະກິດທົ່ວໂລກທີ່ດີກວ່າເກົ່າ,ມາດຕະການເຫຼົ່ານີ້ລວມທັງ ເຮັດໃຫ້ຂໍ້ມູນຂ່າວສານກ່ຽວກັບສະພາບການຂາດທຶນໃນການທຸລະກິດຂອງທະນາຄານແລະອົງການການເງິນໄດ້ຮັບການເປີດເຜີຍຢ່າງທັນການແລະຮອບດ້ານ,ເພື່ອເພີ່ມທະວີການຕິດຕາມຄຸ້ມຄອງການທະນາຄານຕື່ມອີກແລະອື່ນໆ.
|
|
|
