|
|
 |
| (GMT+08:00)
2008-01-23 19:04:43
|
 |
|
ກອງປະຊຸມເວທີປຶກສາຫາລືເສດຖະກິດໂລກປີ2008ໄຂຂຶ້ນ
cri
ຕາມຂ່າວCRI,ຕອນເຊົ້າວັນທີ23ມັງກອນນີ້,ກອງປະຊຸມເວທີປຶກສາຫາລືເສດຖະກິດໂລກປີ2008ໄດ້ຈັດຂຶ້ນຢູ່ດາໂວສ ສະຖານທີ່ແລ່ນສະກີທີ່ມີຊື່ສຽງຢູ່ພາກຕາເວັນອອກຂອງສວິສ.
ໃນໄລຍະປະຊຸມທີ່ເປັນເວລາ5ວັນຈະຈັດກອງປະຊຸມປຶກສາຫາລືທີ່ມີຫົວຂໍ້ຕ່າງໆແລະກອງປະຊຸມຄົບຄະນະປະມານ230ກວ່າເທື່ອ,ເພື່ອປຶກສາຫາລືສະພາບເສດຖະກິດໂລກ,ສະຖານະການຕາເວັນອອກກາງ,ການປ່ຽນແປງຂອງດິນຟ້າອາກາດ ການຂາດເຂີນຊັບພະຍາກອນນ້ຳ ຄວາມປອດໄພດ້ານທັນຍາຫານ ວິກິດການດ້ານພະລັງງານແລະບັນຫາອື່ນໆ.ໃນນັ້ນ,ບັນຫາຈຸດສຸມທີ່ພົ້ນເດັ່ນກວ່າໝູ່ແມ່ນຕະຫຼາດຫຸ້ນທົ່ວໂລກປັ່ນປ່ວນຢ່າງໃຫຍ່ຍ້ອນວິກິດການເງິນກູ້ສິນເຊື່ອຂອງອາເມລິກາໃນໄລຍະມໍ່ໆນີ້.
ບຸກຄົນທີ່ມີຊື່ສຽງຂອງວົງການການເມືອງ,ວົງການການຄ້າ,ວົງການວິສາຫະກິດແລະວົງການວັດທະນະທຳ2000ກວ່າຄົນຂອງ88ປະເທດໃນໂລກໄດ້ເຂົ້າຮ່ວມກອງປະຊຸມ.ຈີນໄດ້ສົ່ງຄະນະຜູ່ແທນຊັ້ນສູງທີ່ນຳໂດຍທ່ານເຈິ່ງໄຜຢຽນຮອງນາຍົກລັດຖະມົນຕີນັ້ນໄປເຂົ້າຮ່ວມ.
|
|
|
