|
ຫຼັກໝັ້ນຂອງຈີນໃນການຮັບມືກັບການປ່ຽນແປງຂອງດິນຟ້າອາກາດໄດ້ສ່ອງແສງໃຫ້ເຫັນທັດສະນະກວ້າງຂວາງຂອງປະຊາຄົມໂລກ
cri
Author: MO
ຕາມຂ່າວCRI：ວັນທີ 5 ທັນວານີ້, ທ່ານເດີໂບເອີ ເລຂາບໍລິຫານງານຂອງກອງເລຂາ"ສົນທິສັນຍາຂອບການປ່ຽນແປງຂອງດິນຟ້າອາກາດສະຫະປະຊາຊາດ"ກ່າວວ່າ, ຫຼັກໝັ້ນຂອງລັດຖະບານຈີນກ່ຽວກັບການຮັບມືກັບການປ່ຽນແປງຂອງດິນຟ້າອາກາດໄດ້ສ່ອງແສງໃຫ້ເຫັນທັດສະນະກວ້າງຂວາງຂອງປະຊາຄົມໂລກ.
ມື້ດຽວກັນ, ທ່ານເດີໂບເອີ ທີ່ພວມເຂົ້າຮ່ວມກອງປະຊຸມການປ່ຽນແປງຂອງດິນຟ້າອາກາດສະຫະປະຊາຊາດຢູ່ເກາະບາຫຼີແຫ່ງອິນໂດເນເຊຍໃຫ້ສຳພາດຕໍ່ນັກຂ່າວວ່າ, ໃນບັນຫາຮັບມືກັບການປ່ຽນແປງຂອງດິນຟ້າອາກາດ, ລັດຖະບານຈີນສະເໜີໃຫ້ຍຶດໝັ້ນຖານະຊີ້ນຳຂອງ"ສົນທິສັນຍາຂອບການປ່ຽນແປງຂອງດິນຟ້າອາກາດສະຫະປະຊາຊາດ", ຍຶດໝັ້ນຮ່ວມມືກັນໃນການຮັບມື, ຍຶດໝັ້ນປະດິດສ້າງວິທະຍາສາດເຕັກນິກ, ຍຶດໝັ້ນພັດທະນາແບບຍືນຍົງ, ນີ້ໄດ້ສ່ອງແສງໃຫ້ເຫັນທັດສະນະກວ້າງຂວາງຂອງປະຊາຄົມໂລກ.
ທ່ານເວົ້າວ່າ, ຕ້ອງສ້າງກົນໄກຮ່ວມມືສາກົນທີ່ບັງເກີດຜົນ, ເຮັດໃຫ້ປະເທດພວມພັດທະນາສາມາດຊື້ເຕັກນິກພະລັງງານສະອາດ, ບັນລຸການພັດທະນາແບບຍືນຍົງ, ນີ້ແມ່ນຄວາມປາຖະໜາອັນກວ້າງຂວາງຂອງປະເທດພວມພັດທະນາ.
ທ່ານໂບເອີຍັງກ່າວວ່າ, ຍຸດທະສາດທີ່ຈັດງານກິລາໂອລິມປິກສີຂຽວຂອງປັກກິ່ງຈະສ້າງແບບຢ່າງໃຫ້ຫຼາຍປະເທດ.
ມື້ດຽວກັນ, ໃນກອງປະຊຸມດັ່ງກ່າວ, ກຸ່ມ 77 ປະເທດຮຽກຮ້ອງໃຫ້ປະເທດທີ່ພັດທະນາແລ້ວຫຼຸດການລະບາຍອາຍເຮືອນແກ້ວ"ໃນທັນທີ ຕື່ມອີກ ແລະບັງເກີດຜົນ", ແລະປະຕິບັດຕາມຄຳໝັ້ນສັນຍາທີ່ສະໜອງເງິນທຶນແລະເຕັກນິກທີ່ຕ້ອງການໃນການຮັບມືກັບການປ່ຽນແປງຂອງດິນຟ້າອາກາດໃຫ້ແກ່ປະເທດພວມພັດທະນາ.
|
|
