ຕາມ​ຂ່າວສານ​ຊິນ​ຮວາ:ວັນ​ທີ20​ມັງກອນ​ນີ້,ກອງ​ປະຊຸມ​ປະຈຳ​ປີ​ຂອງ​ເວທີ​ປຶ​ກສາ​ຫາລື​ສົງຄົມ​ໂລກ​ຄັ້ງ​ທີ7​ໄດ້​ໄຂ​ຂຶ້ນ​ຢູ່​​ໄນ​ໂລ​ບີ ນະຄອນຫຼວງ​ເຄນ​ຢາ.ຜູ້​ຈັດ​ຕັ້ງ​ຄາດ​ຄະ​ເນວ່າ,ຈະ​ມີຜູ້​ແທນ8​ໝື່ນ​ກວ່າຄົນຂອງ100​ກວ່າ​ປະ​ເທດ​ແລະ​ເຂດ​ແຄວ້ນ​​ໄປ​ເຂົ້າ​ຮ່ວມ​ກອງ​ປະຊຸມ,ການ​ຫາລື,​ກິດຈະກຳວັດ​ທະນະທຳ​ແລະງານ​ວາງສະ​ແດງ1000​ກວ່າຮອບ.

ເວທີ​ປຶກສາ​ຫາລືຄັ້ງ​ນີ້​ຈະ​ຈັດ​ຂຶ້ນ6​ມື້,ຫົວ​ຂໍ້​ມີບັນຫາ​ສັງຄົມ​ຕ່າງໆ,​ເຊັ່ນ,​ພະຍາດ​ເອດ,ດູ​ໝິ່ນ​ເຊື້ອ​ຊາດ,ການ​ຄ້າ​ເສລີ,ສິດ​ແລະ​ຜົນ​ປະ​ໂຫຍ​ດຂອງ​ແມ່ຍິງ​ແລະ​ເດັກ,ຫຼຸດ​ໜີ້​ສິນແລະຫຼຸດຜ່ອນ​ຄວາມທຸກ​ຍາກ​ເປັນຕົ້ນ.

ເວທີ​ປຶກສາ​ຫາລືສັງຄົມ​ໂລກ​​ແມ່ນລິ​ເລິ່ມ​ໂດຍ​ອົງການ​ຈັດ​ຕັ້ງທີ່ບໍ່​ແມ່ນ​ລັດຖະບານ​ຂອງ​ປະ​ເທດ​ຕ່າງໆ​ທີ່​ຄັດຄ້ານ​ເສດຖະ​ກິດ​ໂລກາ​ວິວັດ,ຈັດ​ກອງ​ປະຊຸມ​ ​ປີລະ​ເທື່ອ,ເກືອ​ບ​ໃນ​ເວລາ​ດຽວ​ກັນ​ກັບ​ກອງ​ປະຊຸມ​ປະຈຳ​ປີ​ຂອງ​ເວ​ທີປຶກສາ​ຫາລືເສດຖະກິດໂລກ.