|
|
 |
| (GMT+08:00)
2007-01-13 20:46:43
|
 |
|
ຣັດເຊຍແລະເບໂຣຣຸດຊີກ້າວເຖິງຂັ້ນເປັນເອກະສັນກັນກ່ຽວກັບບັນຫາພາສີນ້ຳມັນເຊື້ອໄຟ
cri
Author: mo
ຕາມຂ່າວCRI: ວັນທີ 12 ມັງກອນຢູ່ມົສກູ, ຣັດເຊຍແລະເບໂຣຣຸດຊີໄດ້ກ້າວເຖິງຂັ້ນເປັນເອກະສັນກັນກ່ຽວກັບການຂາເຂົ້າຂາອອກນ້ຳມັນເຊື້ອໄຟລະຫວ່າງສອງປະເທດແລະບັນຫານ້ຳມັນເຊື້ອໄຟຜ່ານແດນ, ສອງຝ່າຍໄດ້ເຊັນສັນຍາສຸດທ້າຍສະບັບໜຶ່ງ.
ມື້ດຽວກັນ, ຫຼັງຈາກເຈລະຈາກັບທ່ານສີໂດສ໌ກີ ນາຍົກລັດຖະມົນຕີເບໂຣຣຸດຊີແລ້ວ, ທ່ານຟຼາດຄົຟ ນາຍົກລັດຖະມົນຕີຣັດເຊຍເວົ້າຕໍ່ນັກຂ່າວວ່າ, ອີງຕາມຄວາມເຫັນເປັນເອກະສັນກັນຂອງສອງຝ່າຍ, ຣັດເຊຍຈະຫຼຸດພາສີສົ່ງອອກນ້ຳມັນດິບຕໍ່ເບໂຣຣຸດຊີໃຫ້ໜ້ອຍລົງຢ່າງຫຼວງຫຼາຍ. ຂະນະດຽວກັນ, ຣັດເຊຍແລະເບໂຣຣຸດຊີຈະແບ່ງປັນພາສີນ້ຳມັນສຳເລັດຮູບທີ່ຜະລິດດ້ວຍນ້ຳມັນດິບຂອງຣັດເຊຍທີ່ເບໂຣຣຸດຊີສົ່ງອອກນັ້ນຕາມອັດຕາສ່ວນອັນແນ່ນອນ.
ທ່ານຟຼາດຄົຟເວົ້າວ່າ, ສອງຝ່າຍຍັງໄດ້ເຊັນຫຍໍ້ສັນຍາກ່ຽວກັບການແກ້ໄຂບັນຫາຕ່າງໆໃນການຮ່ວມມືເສດຖະກິດການຄ້າຂອງສອງປະເທດ, ສັນຍາກ່ຽວພັນເຖິງບັນຫາຕ່າງໆເຊັ່ນ: ລົບລ້າງການຈຳກັດຕ່າງໆດ້ານການຄ້າເຊິ່ງກັນແລະກັນ ສະໜອງນ້ຳມັນເຊື້ອໄຟແລະນ້ຳມັນສຳເລັດຮູບແລະອື່ນໆ.
|
|
|
