|
ທ່ານລີຈ້າວຊິງເປັນປະທານຈັດກອງປະຊຸມຄັ້ງທີ4ຂອງຄະນະກຳມະການຈີນຍີ່ປຸ່ນສ.ເກົາຫຼີ
cri
ຕາມຂ່າວCRI,ວັນທີ12ມັງກອນນີ້,ຢູ່ເຊບູແຫ່ງຟີລິບປິນ,ທ່ານລີຈ້າວຊິງ ລັດຖະມົນຕີວ່າການກະຊວງການຕ່າງປະເທດຈີນໄດ້ເປັນປະທານຈັດກອງປະຊຸມຄັ້ງທີ4ຂອງຄະນະກຳມະການຈີນຍີ່ປຸ່ນສ.ເກົາຫຼີ,ແລະໄດ້ເຂົ້າຮ່ວມງານລ້ຽງອາຫານທ່ຽງເພື່ອເຮັດວຽກລະດັບລັດຖະມົນຕີການຕ່າງປະເທດຂອງກອງປະຊຸມສຸດຍອດອາຊີຕາເວັນອອກ.
ທ່ານລີຈ້າວຊິງກ່າວວ່າ,ສາມປະເທດຄືຈີນຍີ່ປຸ່ນແລະສ.ເກົາຫຼີເພີ່ມທະວີການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ,ມີຜົນດີຕໍ່ປະຊາຊົນຂອງສາມປະເທດແລະມີຜົນດີຕໍ່ສັນຕິພາບ ສະຖຽນລະພາບແລະການພັດທະນາຂອງພາກພື້ນແຫ່ງນີ້.ປັດຈຸບັນ,ການພົວພັນລະຫວ່າງສາມປະເທດໄດ້ປະກົດມີທ່າອ່ຽງຂະຫຍາຍຕົວໃໝ່,ຄວນຈັບໂອກາດທີ່ມີຜົນດີ,ເພີ່ມຄວາມໄວ້ເນື້ອເຊື່ອໃຈກັນທາງການເມືອງ,ຍົກສູງລະດັບການຮ່ວມມືດ້ານເສດຖະກິດການຄ້າແລະເປີດກວ້າງຂົງເຂດຮ່ວມມື.
ໃນງານລ້ຽງອາຫານທ່ຽງເພື່ອເຮັດວຽກລະດັບລັດຖະມົນຕີການຕ່າງປະເທດຂອງກອງປະຊຸມສຸດຍອດອາຊີຕາເວັນອອກ,ທ່ານລີຈ້າວຊິງກ່າວວ່າ,ຝ່າຍຈີນມີເຈດຈຳນົງປະຕິບັດຕາມຫຼັກການທີ່ຄ່ອຍເປັນຄ່ອຍໄປ,ຈາກງ່າຍຮອດຍາກ,ຜັນຂະຫຍາຍຂໍ້ລິເລີ່ມທີ່ຜູ່ນຳສະເໜີອອກໃນກອງປະຊຸມສຸດຍອດຄັ້ງປະຖົມມະເລີກນັ້ນຢ່າງມີຈຸດໜັກແລະເປັນບາດກ້າວ,ສະໜັບສະໜູນການປະຕິບັດ5ວຽກງານຈຸດໜັກກ່ອນໝູ່ຄືພະລັງງານ,ການທະນາຄານ,ການສຶກສາ,ການປ້ອງກັນແລະປິ່ນປົວໄຂ້ຫວັດສັດປີກແລະການຫຼຸດຜ່ອນໄພພິບັດທາງທຳມະຊາດ.
|
|
