|
|
 |
| (GMT+08:00)
2006-12-15 23:12:29
|
 |
|
ອົງການໂອເປັກຕົກລົງຫຼຸດປະລິມານການຜະລິດນ້ຳມັນດິບ
cri
ຕາມຂ່າວCRI,ວັນທີ14ທັນວານີ້,ພາຍຫຼັງກອງປະຊຸມລະດັບລັດຖະມົນຕີຂອງອົງການປະເທດສົ່ງອອກນ້ຳມັນຫຼືໂອເປັກທີ່ຈັດຂຶ້ນຢູ່ອາບູຈາ ນະຄອນຫຼວງນີເຊຣີ ໄດ້ສິ້ນສຸດລົງແລ້ວ,ທ່ານເອັດມຸດດາວໂຄລູ ປະທານໝູນວຽນຂອງອົງການໂອເປັກລັດຖະມົນຕີລັດຖະກິດກະຊວງນ້ຳມັນເຊື້ອໄຟ ນີເຊຣີໄດ້ຖະແຫຼງຕໍ່ສື່ມວນຊົນວ່າ,ໂດຍພິຈາລະນາເຖິງການສະໜອງຂອງຕະຫຼາດແມ່ນພຽງພໍ,ປະລິມານນ້ຳມັນດິບທີ່ສະສົມໄວ້ໄດ້ເພີ່ມຂຶ້ນພ້ອມດ້ວຍຄວາມສາມາດການຜະລິດພຽງພໍ,ອົງການໂອເປັກຕົກລົງຈະຫຼຸດປະລິມານການຜະລິດນ້ຳມັນດິບ5ແສນບາເລວຕໍ່ມື້ແຕ່ວັນທີ1ກຸມພາປີ2007ເປັນຕົ້ນໄປ.ທ່ານກ່າວວ່າ,ກ່ອນວັນທີ1ກຸມພາປີ2007,ອົງການໂອເປັກຍັງຈະຮັກສາປະລິມານການຜະລິດນ້ຳມັນດິບ26ລ້ານ3ແສນບາເລວຕໍ່ມື້ຄືເກົ່າ.
ການຕົກລົງຫຼຸດປະລິມານການຜະລິດຂອງໂອເປັກໄດ້ພາໃຫ້ຕະຫຼາດສາກົນເກີດມີຄວາມວິຕົກກັງວົນໂດຍທົ່ວໄປ.ວັນທີ14ທັນວານີ້,ໃນຕະຫຼາດສິນຄ້ານີວຢອກ,ລາຄານ້ຳມັນດິບທາດເບົາທີ່ຈຳໜ່າຍລ່ວງໜ້າແລະຈະມອບສິນຄ້າໃນເດືອນມັງກອນປີໜ້າໄດ້ເພີ່ມຂຶ້ນ1,14ໂດລາຕໍ່ບາເລວ,ລາຄາໃນເວລາອັດຕະຫຼາດແມ່ນ62,51ໂດລາຕໍ່ບາເລວ.ໃນຕະຫຼາດ ນ້ຳມັນເຊື້ອໄຟສາກົນລອນດອນ,ລາຄານ້ຳມັນດິບແບຼນທະເລເໜືອທີ່ຈຳໜ່າຍລ່ວງໜ້າແລະຈະມອບສິນຄ້າໃນເດືອນມັງກອນປີໜ້າໄດ້ເພີ່ມຂຶ້ນ0,9ໂດລາຕໍ່ບາເລວ,ລາຄາໃນເວລາອັດຕະຫຼາດແມ່ນ62,23ໂດລາຕໍ່ບາເລວ.
|
|
|
