|
ບົດລາຍງານປະຈຳປີຂອງທະນາຄານຊຳລະບັນຊີສາກົນກ່າວວ່າ, ເສດຖະກິດໂລກຈະເຕີບໂຕຢ່າງສືບເນື່ອງ
cri
Author: mo
ຕາມຂ່າວCRI：ວັນທີ 26 ມິຖຸນາ, ກອງປະຊຸມປະຈຳປີຄັ້ງທີ 76 ຂອງທະນາຄານຊຳລະບັນຊີສາກົນໄດ້ຈັດຂຶ້ນຢູ່ບາແຊນແຫ່ງສວິສ. ບົດລາຍງານສົກປີ 2005-2006ທີ່ທະນາຄານດັ່ງກ່າວປະກາດໃນມື້ດຽວກັນຄາດຄະເນວ່າ, ປີ 2006, ເສດຖະກິດໂລກຈະສືບຕໍ່ເຕີບໂຕຢ່າງວ່ອງໄວ.
ບົດລາຍງານຂຽນວ່າ, ປີ 2005, ອັດຕາເຕີບໂຕຂອງເສດຖະກິດໂລກໄດ້ລື່ນກາຍ 4% 3 ປີລຽນຕິດ, ປະກອບເປັນໄລຍະຮຸ່ງເຮືອງທີ່ສຸດດ້ານເສດຖະກິດແຕ່ຊຸມປີ 70 ສະຕະວັດທີ່ແລ້ວມານີ້, ອາເມລິກາແລະຈີນຍັງແມ່ນເຄື່ອງຈັກແມ່ແຮງສຳຄັນທີ່ຊຸກຍູ້ໃຫ້ເສດຖະກິດໂລກເຕີບໂຕຕໍ່ມາ, ສ່ວນສະພາບເສດຖະກິດຂອງເອີລົບແລະຍີ່ປຸ່ນກໍດີຂຶ້ນ. ເຖິງວ່າລາຄານ້ຳມັນເຊື້ອໄຟແລະວັດຖຸດິບຍັງສູງຢູ່ຄືເກົ່າ, ແຕ່ອັດຕາໄພເງິນເຟີ້ໃນໂລກຍັງຄົງຮັກສາຢູ່ໃນລະດັບຕ່ຳ.
|
|
