|
ຕາມຂ່າວສານຊິນຮວາ:ຫວ່າງມໍ່ໆນີ້,ຢູ່ຍີ່ປຸ່ນ,ທ່ານໂປຊີ່ໄລ ລັດຖະມົນຕີກະຊວງການຄ້າຈີນກ່າວວ່າ,ເສດຖະກິດການຄ້າລະຫວ່າງຈີນກັບຍີ່ປຸ່ນພັດທະນາຊ້າລົງບໍ່ສອດຄ່ອງກັບຜົນປະໂຫຍດຂອງສອງຝ່າຍ,ສອງປະເທດຄວນເລັງສາຍຕາໃສ່ອະນາຄົດ,ເພີ່ມທະວີການຮ່ວມມືທາງເສດຖະກິດການຄ້າຢ່າງຮອບດ້ານບົນພື້ນຖານທີ່ສ້າງສະພາບແວດລ້ອມການເມືອງທີ່ດີງາມ.
ທ່ານໂປຊີໄລໄດ້ໃຫ້ທັດສະນະດັ່ງກ່າວໃນເວລາໃຫ້ສຳພາດຕໍ່ສື່ມວນຊົນຍີ່ປຸ່ນໃນໄລຍະໄປເຂົ້າຮ່ວມເວທີປາໄສສັງລວມກ່ຽວກັບການປະຢັດພະລັງງານແລະອຸນຸລັກສິ່ງແວດລ້ອມລະຫວ່າງຈີນຍີ່ປຸ່ນແລະກອງປະຊຸມປະສົມຂອງອົງການລົງທຶນຈີນຍີ່ປຸ່ນຄັ້ງທີ14ຢູ່ຍີ່ປຸ່ນໃນຫວ່າງມໍ່ໆນີ້.
ເມື່ອເວົ້າເຖິງບັນຫາປະຫວັດສາດແລະວັດຢາຊູຄູນີ,ທ່ານໂປຊີ່ໄລກ່າວວ່າ,ໃນສະເພາະໜ້ານີ້,ການພົວພັນລະຫວ່າງຈີນກັບຍີ່ປຸ່ນໄດ້ປະກົດມີຄວາມຫຍຸ້ງຍາກອັນໜັກໜ່ວງ,ສາເຫດກໍແມ່ນຜູ້ນຳຍີ່ປຸ່ນໄປນະມັດສະການວັດຢາຊູຄູນີທີ່ຕັ້ງປ້າຍຂອງອາຊະຍາກອນຊັ້ນ ກ ຂອງສົງຄາມໂລກຄັ້ງທີສອງ,ໄດ້ບາດຈິດອາລົມຂອງປະຊາຊົນປະເທດຖືກທຳຮ້າຍຢ່າງຫຼວງຫຼາຍເຊິ່ງລວມທັງປະຊາຊົນຈີນນັ້ນຢ່າງໜັກໜ່ວງ,ໄດ້ທຳລາຍພື້ນຖານການເມືອງຂອງການພົວພັນລະຫວ່າງຈີນຍີ່ປຸ່ນ,ນັກການເມືອງຍີ່ປຸ່ນຄວນປະຕິບັດຕໍ່ບັນຫາປະຫວັດສາດຢ່າງຖືກຕ້ອງ,ບໍ່ໄປນະມັດສະການວັດຢາຊູຄູນີອີກ.
|
