|
|
 |
| (GMT+08:00)
2006-04-05 19:01:13
|
|
ທ່ານຊິດໄຊ ຮອງນາຍົກໄທຈະເປັນນາຍົກລັດຖະມົນຕີໄທຊົ່ວຄາວ
cri
Author: MO
ຕາມຂ່າວCRI: ວັນທີ 5 ເມສາ, ທ່ານທັກສິນ ຊິນນະວັດ ນາຍົກລັດຖະມົນຕີຮັກສາການຂອງໄທໄດ້ເຊັນດຳລັດ, ແຕ່ງຕັ້ງທ່ານຊິດໄຊ ວັນນະສະຖິດ ຮອງນາຍົກລັດຖະມົນຕີຜູ້ທີໜຶ່ງທີ່ຮັບຜິດຊອກຄວາມປອດໄພແຫ່ງຊາດ ທັງເປັນລັດຖະມົນຕີກະຊວງຍຸດຕິທຳ ດຳລົງຕຳແໜ່ງນາຍົກລັດຖະມົນຕີຮັກສາການຊົ່ວຄາວ.
ຕາມຂ່າວສານໄທລາຍງານວ່າ, ທ່ານທັກສິນແມ່ນທຳການຕົກລົງດັ່ງກ່າວໃນກອງປະຊຸມວິສາມັນຂອງຄະນະລັດຖະບານທີ່ຈັດຂຶ້ນໃນວັນທີ 5 ເມສາ. ທ່ານຍັງກ່າວວ່າ, ຕົນເອງຍັງແມ່ນນາຍົກລັດຖະມົນຕີຮັກສາການ, ຍັງຄົງແມ່ນຜູ້ນຳຂອງລັດຖະບານ, ແລະສາມາດທຳການຕົກລົງສຸດທ້າຍຢູ່ທຸກເວລາຕໍ່ວຽກງານແຫ່ງຊາດ. ນອກນີ້, ທ່ານທັກສິນຍັງຮັກສາຕຳແໜ່ງເປັນປະທານພັກໄທຮັກໄທຢູ່.
ຂ່າວແຈ້ງວ່າ, ທ່ານທັກສິນຈະຜັກຜ່ອນໄລຍະໜຶ່ງ. ໃນໄລຍະນີ້, ນອກຈາກມີຫົວຂໍ້ສຳຄັນແລ້ວ, ທ່ານທັກສິນຈະບໍ່ເຂົ້າຮ່ວມກອງປະຊຸມໃດໆຂອງຄະນະລັດຖະບານຮັກສາການ.
|
|
|
