|
ຕາມຂ່າວສານຊິນຮວາ:ວັນທີ4ຕຸລາ,ໃນງານຖະແຫຼງຂ່າວທີ່ຈັດຂຶ້ນຢູ່ວໍຊິງຕັນ,ທ່ານຄຼສທອບເຟີ ຮີວ ຜູ່ຊ່ວຍລັດຖະມົນຕີການຕ່າງປະເທດອາເມລິກາ ຫົວໜ້າຄະນະຜູ່ແທນອາເມລິກາທີ່ເຂົ້າຮ່ວມການເຈລະຈາຫົກຝ່າຍກ່ຽວກັບບັນຫານິວເຄຼຍແຫຼມເກົາຫຼີໄດ້ຮຽກຮ້ອງໃຫ້ສ.ປ.ປ.ເກົາຫຼີປະລະອາວຸດນິວເຄຼຍແລະແຜນການນິວເຄຼຍທັງໝົດ.
ທ່ານຮີວກ່າວວ່າ,ເງື່ອນໄຂເບື້ອງຕົ້ນຂອງອາເມລິກາທີ່ພິຈາລະນາອະພິປາຍກັບສ.ປ.ປ.ເກົາຫຼີກ່ຽວກັບການສະໜອງເຄື່ອງປະຕິກອນນ້ຳເບົານັ້ນແມ່ນ,ໃຫ້ສ.ປ.ປ.ເກົາຫຼີປະລະແຜນການນິວເຄຼຍທັງໝົດໃນປະຈຸບັນ,ແລະກັບຄືນສູ່ສົນທິສັນຍາບໍ່ແຜ່ຜາຍອາວຸດນິວເຄຼຍ,ເລື່ອງຮີບດ່ວນທີ່ຕ້ອງເຮັດໃນປະຈຸບັນແມ່ນສ.ປ.ປ.ເກົາຫີຼຕ້ອງຢຸດຕິຜະລິດອາວຸດນິວເຄຼຍແລະລົບລ້າງແຜນການນິວເຄຼຍ.
ຕອນເຊົ້າມື້ດຽວກັນ,ໜັງສືພິໂລດົງ ຊິນມູນສຽງຂອງສູນກາງພັກແຮງງານເກົາຫຼີໄດ້ພິມບົດຈິຈານ,ສະແດງຄວາມລະວັງອາເມລິກາທີ່ເພີ່ມທະວີການກະກຽມໂຈມຕີສ.ປ.ປ.ເກົາຫຼີດ້ວຍກຳລັງອາວຸດຫຼັງຢູ່ລັບການສົນທະນາກັນ,ກ່າວເນັ້ນວ່າບັນຫາຫົວລ້ຽວຫົວຕໍ່ໃນການແກ້ໄຂບັນຫາລະຫວ່າງສ.ປ.ປ.ເກົາຫຼີກັບອາເມລິກາແມ່ນສ້າງຄວາມໄວ້ເນື້ອເຊື່ອໃຈເຊິ່ງກັນແລະກັນ.
|
