|
ຕາມຂ່າວສານຊິນຮວາ:ວັນທີ3ຕຸລາ,ລັດຖະບານມາເລເຊຍກັບລັດຖະບານອຸສເບກີສະຕັງໄດ້ເຊັນເອກະສານ6ສະບັບຢູ່ພຸດຕຼາຈາຢາສູນປົກຄອງມາເລເຊຍ,ເພື່ອເພີ່ມທະວີການຮ່ວມມືລະຫວ່າງສອງປະເທດໃນຂົງເຂດຕ້ານການກໍ່ການຮ້າຍ ບໍລິການການບິນ ການທ່ອງທ່ຽວແລະບຸກເບີກຊັບພະຍາກອນບໍ່ແຮ່ເປັນຕົ້ນ.
ມື້ດຽວກັນ,ສອງຝ່າຍຍັງໄດ້ອອກຖະແຫຼງການຮ່ວມສະບັບໜຶ່ງກ່າວຢ້ຳວ່າ,ມາເລເຊຍກັບອຸສເບກີສະຕັງຈະເພີ່ມທະວີການຮ່ວມມືໃນຂົງເຂດໂຈມຕີລັດທິກໍ່ການຮ້າຍ ພວກຫົວຈັດ ການຄ້າເຖື່ອນຢາເສັບຕິດແລະການຕ້ອງໂທດຂ້າມຊາດທີ່ມີການຈັດຕັ້ງເປັນຕົ້ນ.ສອງຝ່າຍຍັງໄດ້ກ່າວເນັ້ນຄວາມສຳຄັນຂອງການສ້າງເຂດປອດອາວຸດນິວເຄຼຍຢູ່ອາຊີກາງແລະອາຊີອາຄະເນໃນດ້ານຊຸກຍູ້ສັນຕິພາບແລະສະຖຽນລະພາບຂອງພາກພື້ນ.
|
