ຕາມ​ຂ່າວສານ​ຊິນ​ຮວາ  ວັນ​ທີ 14 ມິຖຸນາ  ​ໃນ​ງານ​ຟັງ​ຄຳ​​ໃຫ້ການ ຂອງ​ສະພາ​ສູງ​ອາ​ເມ​ລິ​ກາ  ທ່ານຄຼິສທອບ​ເຟີ ​ຮິ​ວ  ຜູ່​ຊ່ອຍ​ລັດຖະມົນຕີ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ທີ່​ຮັບຜິດຊອບ​ວຽກ​ງານ​ອາຊີ​ຕາ​ເວັນ​ອອກ​ແລະ​ອາຊີປາຊິ​ຟິກ ກ່າວ​ວ່າ ອາ​ເມ​ລິ​ກາ​ບໍ່​​ເຫັນ​ດີ​ນຳ​ແຜນການ​​ແບ່ງ​ເປັນ​ໄລຍະ​ແກ້​ໄຂ​ບັນຫາ​ນິວ​ເຄຼຍ​ແຫຼມ​ເກົາຫຼີ

ໃນ​ຖານ​ເປັນ​ຫົວຫນ້າ​ຄະນະ​ຜູ່​ແທນ​ອາ​ເມ​ລິ​ກາ​ໃນ​ການ​ເຈລະຈາ 6 ຝ່າຍ​ກ່ຽວ​ກັບ​ບັນຫາ​ນິວ​ເຄຼຍ​ແຫຼມ​ເກົາຫຼີ​ທ່ານ​ຮິ​ວກ່າວ​ວ່າ ອາ​ເມ​ລິ​ກາ​ບໍ່​ຮັບ​ເອົາ​ແຜນການ​​ແກ້​ໄຂ​ບັນຫາ​ສ່ວນ​ຫນຶ່ງ​ທີ່​ອາດ​ຈະ​ອະນຸຍາດ​ໃຫ້​ສ.ປ.​ປ​ເກົາຫຼີ​ຟື້ນ​ຟູ​ແຜນການ​ນິວ​ເຄຼຍ​ແລະ​ສືບ​ຕໍ່​ຂົ່ມຂູ່​ຕໍ່​ປະ​ເທດ​ອື່ນ  ທ່ານ​ກ່າວ​ຢ້ຳວ່າ ​ເປົ້າ​ຫມາຍ​ທີ່ອາ​ເມ​ລິ​ກາສະ​ແຫວ​ງຫາ​ແມ່ນ​ໃຫ້​ສ.ປ.ປ​ເກົາຫຼີ​ຍົກ​ເລີກ​ແຜນການ​ນິວ​ເຄຼຍທັງ​ຫມົດ​ຂອງ​ເຂົາ