ຕາມ​ຂ່າວCRI,ຕອນ​ຄຳ່​ວັນ​ທີ29​ສິງຫາ ​ເວລາ​ທ້ອງ​ຖິ່ນ ຢູ່​ສູນ​ກິລາ​ໂອ​ລິ​ມປິກ​ທີ່​ອາ​ແຕນ​ນະຄອນຫຼວງ​ເກຼັກ,ງານ​ກິລາ​ໂອ​ລິ​ມປິກ​ລະດູ​ຮ້ອນ​ສະ​ໄໝ​ທີ28​ຈະຈັດ​ພິທີ​ປິດ​ງານລົງ.

ງານ​ກິລາ​ໂອ​ລິ​ມປິກ​ສະ​ໄໝ​ນີ້​ແມ່ນ​ຈັດ​ຂຶ້ນ​ໃນ​ວັນ​ທີ13​ສິງຫາ,ນັກ​ກິລາ1​ໝື່ນ​ກວ່າ​ຄົນ​ທີ່​ມາ​ຈາກ202​ປະ​ເທດ​​ແລະ​ເຂດ​ແຄວ້ນ​ໄດ້​ເຂົ້າ​ຮ່ວມ​ການ​ແຂ່ງຂັນ​28ລາຍການ​ໃຫຍ່.ມີ75​ປະ​ເທດ​ແລະ​ເຂດ​ແຄວ້ນ​ໄດ້​ຮັບ​ຫຼຽນ​ລາງວັນ.​ໃນ​ການ​ລຽງ​ລຳດັບ​ຫຼຽນ​ລາ​ງວັນ.ຄະນະ​ນັກ​ກິລາ​ອາ​ເມ​ລິ​ກາ​​ໄດ້​ທີ​ໜຶ່ງ,​ຄະນະ​ນັກ​ກິລາຈີນ​​ທີ​ສອງ​ແລະຄະນະ​ນັກ​ກິລາ​ລັດ​ເຊຍ​ທີ​ສາມ.

ໃນ​ງານ​ກິລາ​ໂອ​ລິ​ມປິກ​ຄັ້ງ​ນີ້,ຈີນ​ໄດ້​ແຕ່ງ​ຄະນະ​ນັກ​ກິລາ​ທີ່​ປະກອບ​ດ້ວຍ600​ກວ່າ​ຄົນ​ເຊິ່ງມີ​ຂະໜາດ​ໃຫຍ່​ກວ່າ​ໝູ່​ໃນ​ປະຫວັດສາດ,​ໄດ້​ຮັບຜົນງານ​ດີ​ທີ່​ສຸດໃນ​ປະຫວັດສາດ​ຄື​ໄດ້​ຫຼຽນ​ຄຳ31​ຫຼຽນ,ຫຼຽນ​ເງິນ17​ຫຼຽນ,​ແລະຫຼຽນ​ທອງ14ຫຼຽນ.​ແລະ​ໄດ້​ເຂົ້າ​ແທນ​ລັດ​ເຊຍ​ເປັນ​ທີ​ສອງ​ໃນ​ການ​ລຽງ​ລຳດັບ​ຫຼຽນ.

ເວລາ9​ໂມງ15​ນາທີ​ຂອງຕອນ​ຄຳ່​ວັນ​ທີ29​ສິງຫາ,​ເວລາ​ທ້ອງ​ຖິ່ນ,ງານ​ກິລາ​ໂອ​ລິ​ມປິກ​ຄັ້ງ​ນີ້​ຈະ​ຈັດ​ພິທີ​ປິດ​ງານ.ທ່ານວາງ​ສີ​ຊານ ​ເຈົ້າ​ຄອງ​ກຳ​ແພງ​ນະຄອນ​ປັກ​ກິ່ງ​ຈະ​ຕາງໜ້າ​ນະ​ຄອນ​ປັກ​ກິ່ງ ນະຄອນ​ເຈົ້າພາບ​ຈັດ​ງານ​ກິລາ​ໂອ​ລິ​ມປິກ​​ລະດ​ູຮ້ອນ​ສະ​ໄໝ​ໜ້າ,ຮັບ​ເອົາ​ທຸກ​ງານ​ກິລາ​ໂອ​ລິ​ມປິກ​ຈາກ​ມື​ທ່ານລັອກ​ເກີປະທານ​ຄະນະ​ກຳມະ​ການ​ໂອລິມ​ປິກ​ສາກົນ.​ຫຼັງ​ຈາກ​ນັ້ນ,​ນັກສະ​ແດງ​ຈີນ​ຈະ​ສະ​ແດງລາຍ​ການ​ສິນລະປະກຳ​ທີ່​ມີ​ສີສັນ​ພິ​ເສດ​ຂອງ​ຈີນ​ທີ່​ສຸດ​ເປັນ​ເວລາ8​ນາທີ​ຕໍ່​ທົ່ວ​ໂລກ,​​ສະ​ແດງ​ຄວາມ​ຕັດສິນ​ໃຈ​ຢ່າງ​ເດັດດ່ຽວ​ຂອງ​ນະຄອນ​ປັກ​ກິ່ງ​ທີ່​ຈະ​ຈັດ​ງານ​ກິລາ​ໂອ​ລິ​ມປິກ​ສະ​ໄໝ​ໜ້າ​ໃຫ້​ດີ.