|
ຜູ້ນຳສູນກາງຮ່ວມກັນກັບປະຊາຊົນບັນດາເຜົ່າໃນທົ່ວປະເທດໄວ້ອາໄລເຖິງຜູ້ເສຍຊີວິດໃນແຜ່ນດິນໄຫວແຮງຢູ່ເວີ້ນຊ່ວນແຂວງເສສວນ
cri
Author: d
ຕາມຂ່າວCRI, ເວລາ14ໂມງ28ນາທີວັນທີ19ພຶດສະພານີ້, ທ່ານຫູຈີນທາວ, ທ່ານຈ່ຽງເຈີມິນ, ທ່ານອູປາງກົວ, ທ່ານເວີ່ນເຈຍປາວ, ທ່ານເຈຍຊິງລິນ, ທ່ານຫຼີສາງຊຸນ, ທ່ານຊີຈິ້ນພິງ,ທ່ານຫຼີເຄີຊຽງ, ທ່ານເຮີ້ກົວສຽງ, ທ່ານໂຈວ່ຢົງຄ່າງແລະທ່ານອື່ນໆໄດ້ພ້ອມກັບປະຊາຊົນບັນດາເຜົ່າໃນທົ່ວປະເທດຢືນສະຫງົບນີ້ງກົ້ມຫົວໄວ້ອາໄລເຖິງດວງວິນຍານຂອງຜູ້ເສຍຊີວິດໃນແຜ່ນດິນໄຫວເວີ້ນຊ່ວນແຂວງເສສວນ.
ຕອນຂ້ອນແຈ້ງວັນທີ19ພຶດສະພານີ້, ຢູ່ສະໜາມຫຼວງທ່ຽນອ່ານເມີນ ນະຄອນຫຼວງປັກກິ່ງຂອງຈີນ, ຫຼັງຈາກໄດ້ຊັກທຸງຊາດຂຶ້ນຢູ່ຍອດເສົາແລ້ວ ກໍ່ໄດ້ຊັກທຸງລົງເຄິ່ງເສົາ, ເພື່ອສະແດງຄວາມໄວ້ອາໄລອັນເລິກເຊິ່ງຂອງປະຊາຊົນເຜົ່າຕ່າງໆທົ່ວປະເທດຈີນຕໍ່ຜູ່ເສຍຊີວິດໃນໄພແຜ່ນດິນໄຫວ.
ຕອນເຊົ້າມື້ດຽວກັນ ຢູ່ທີ່ກະຊວງການຕ່າງປະເທດຈີນ ທູຕານູທູດຂອງ80ປະເທດປະຈຳຈີນແລະຜູ່ຕາງໜ້າອົງການຈັດຕັ້ງສາກົນໄວ້ອາໄລຜູ່ເສຍຊີວິດໃນແຜ່ນດິນໄຫວແຮງ.
ຕອນເຊົ້າມື້ດຽວກັນ,ສະຖານທີ່ສຳຄັນຊຶ່ງລວມທັງອົງການປົກຄອງແລະໂຮງຮຽນເປັນຕົ້ນຂອງເຂດພິເສດຮົງກົງແລະມາກາວກໍ່ໄດ້ຊັກທຸງຊາດລົງເຄິ່ງເສົາເຊັ່ນກັນ.
ນັບມາຮອດເວລາ 12 ໂມງວັນທີ 19 ພຶດສະພານີ້,ແຜ່ນດິນໄຫວ8ລິກເຕີທີ່ເກີດຂຶ້ນຢູ່ເມືອງເວີ້ນຊ່ວນແຂວງເສສວນໄດ້ເຮັດໃຫ້ແຫ່ງຕ່າງໆເຊັ່ນ:ແຂວງເສສວນ ແຂວງກັ່ນຊູ່ ແຂວງສານຊີ່ ນະຄອນຈຸງກິງ ແຂວງຢຸນນານ ແຂວງຫູເປ ແຂວງເຫີນານ ແຂວງຫູໜານແລະບ່ອນອື່ນໆມີຜູ່ເສຍຊີວິດ 3 ຫມື່ນ 4 ພັນ 73 ຄົນ, ບາດເຈັບຫຼາຍກວ່າ 2 ແສນ 4 ຫມື່ນຄົນ. ລັດຖະບານຈີນໄດ້ຕົກລົງວ່າ,ນັບແຕ່ວັນທີ 19 ຫາວັນທີ 21 ພຶດສະພານີ້ແມ່ນວັນໄວ້ອາໄລຂອງທົ່ວປະເທດ,ໃນໄລຍະນີ້,ຈະຢຸດການສົ່ງຕໍ່ທວນໄຟໂອລິມປິກຢູ່ຈີນຊົ່ວຄາວ.ອົງການໃນທົ່ວປະເທດແລະອົງການຈັດຕັ້ງຂອງຈີນປະຈຳຕ່າງປະເທດກໍ່ຊັກທຸງລົງເຄິ່ງເສົາເພື່ອສະແດງຄວາມໄວ້ອາໄລ,ຢຸດເຊົາການເຄື່ອນໄຫວບັນເທີງສາທາລະນະ.
|
|
