ຕາມ​ຂ່າວCRI: ວັນ​ທີ 19 ພຶດສະພາ​ນີ້​ຢູ່​ທີ່​ປັກ​ກິ່ງ, ທ່ານ​ຊິນກາງ ​ໂຄສົກ​ກະຊວງ​ການ​ຕ່າງປະ​ເທດ​ຈີນ​ກ່າວ​ວ່າ, ຕາມ​ສະພາບ​ການ​ທີ່​ຮູ້​ຈາກ​ພາກສ່ວນ​ປະຊາ​ສົງ​ເຄາະຈີນ, ຍ້ອນ​ໄພ​ແຜ່ນດິນ​​ໄຫວ​ທີ່​ເກີດ​ຢູ່​ເມືອງ​ເວິ້ນຊ່ວນ​ແຂວງ​ເສ​ສວນ​ເຮັດ​ໃຫ້​ເຮືອນ​ຢູ່​​ຫັກ​ພັງ​ຢ່າງ​ຫຼວງ​ຫຼາຍ​ແລະ​​ເຂດ​ປະສົບ​ໄພ​ພວມ​ຢູ່​​ໃນລະດູ​ຝົນ, ຕ້ອງການ​ຕູບ​ຜ້າ​​ເຕັ້ນ​ຈຳນວນ​ຫຼວງ​ຫຼາຍ​ເພື່ອ​ຈັດ​ໃຫ້​ປະຊາຊົນ​ຜູ້​ປະສົບ​ໄພ.

ທ່ານ​ຊິນ​ກາງ​ກ່າ​ວວ່າ, ຈີນ​ຢາກ​ໃຫ້​ປະຊາ​ຄົມ​ໂລກ​ໃນ​ເວລາ​ສະໜອງ​ວັດຖຸ​ກູ້​ໄພ, ພິຈາລະນາຊ່ອຍຕູບ​ຜ້າ​ເຕັ້ນ​ກ່ອນ. ຈີນ​ສະ​ແດງ​ຄວາມ​ຂອບ​ອົກ​ຂອບ​ໃຈ​ຢ່າງ​ຈິງ​ໃຈ​ອີກຕໍ່​ການ​ຊ່ອຍ​ເຫຼືອ​ອັນ​ຕັ້ງໜ້າ​ຂອງ​ປະຊາ​ຄົມ​ໂລກ​.

ນັບ​ມາ​ຮອດ​ເວລາ 17 ​ໂມງ​ວັນ​ທີ 18 ພຶດສະພາ​ນີ້, ການ​ເງິນສູນ​ກາງ​ຈີນ​​ໄດ້​ເບີ​ກ​ງົບ​ກູ້​ໄພ​ແຜ່ນດິນ​ໄຫວ​ໄປ​ແລ້ວ 5 ຕື້ 782 ລ້ານ​ຢວນ​.