|
|
 |
| (GMT+08:00)
2008-05-17 11:40:34
|
 |
|
ຜູ້ເສຍຊີວິດໃນແຜ່ນດິນໄຫວແຂວງເສສວນມີເຖິງ22069ຄົນແລ້ວ
cri
ຕາມຂ່າວສານຊີນຮວາ, ຕາມຕົວເລກຫຼ້າສຸດຂອງພາກສ່ວນທີ່ກ່ຽວຂ້ອງ, ນັບຮອດ14ໂມງຂອງວັນທີ16ພຶດສະພານີ້, ຜູ້ເສຍຊີວິດໃນເຫດການແຜ່ນດິນໄຫວແຂວງເສສວນມີເຖິງ22069ຄົນ, ຜູ້ບາດເຈັບມີເກືອບ1ແສນ7ໝື່ນຄົນ. ປະຈຸບັນ, ນາຍແລະພົນທະຫານ ຕຳຫຼວດທີ່ພວມກູ້ໄພບໍ່ໄດ້ເອົາຫົວຊາຕໍ່ຄວາມອິດເມື່ອຍ, ເຮັດວຽກຕິດທັງເວັນທັງຄືນຫຼາຍມື້, ເພື່ອກອບກູ້ຊີວິດຂອງຜູ້ທີ່ຍັງຕິດຄ້າງຢູ່ໃນຊາກຕຶກອາຄານທີ່ອາດຈະຍັງມີຊີວິດລອດ.
ນັບມາຮອດວັນທີ16ພຶດສະພານີ້, ນາຍແລະພົນທະຫານແລະຕຳຫຼວດທີ່ສົ່ງໄປຮອດເຂດປະສົບໄພແຂວງເສສວນມີເຖິງ1ແສນກວ່າຄົນ. ຫຼັງຈາກໜ່ວຍງານຕ່າງໆບຸກທະລຸເຂົ້າເຖິງ58ເຂດແລະຕາແສງທີ່ປະສົບໄພຢ່າງໜັກໜ່ວງແລ້ວ, ວຽກງານກູ້ໄພພວມເຮັດຢ່າງຂຸ້ນຂ້ຽວ. ມື້ດຽວກັນ, ກອງກູ້ໄພໄດ້ຂຸດເອົາ3673ຄົນອອກຈາກຊາກອາຄານ, ໃນນັ້ນມີຜູ້ລອດຊີວິດ163ຄົນ, 3510ຄົນເສຍຊີວິດ. ເຂົາເຈົ້າຍັງໄດ້ປິ່ນປົວຜູ້ບາດເຈັບ2270ກວ່າຄົນ, ຍົກຍ້າຍຜູ້ປະສົບໄພໄປບ່ອນປອດໄພ1ແສນ5ໝື່ນຄົນ.
ນັບມາຮອດຕອນຄ່ຳວັນທີ16ພຶດສະພານີ້, ນາຍແລະພົນທະຫານ2ໝື່ນຄົນທີ່ເຂົ້າກູ້ໄພແຕ່ເລີ່ມຕົ້ນໄດ້ເຮັດວຽກຢ່າງບໍ່ຮູ້ອິດຮູ້ເມື່ອຍໄດ້ຫຼາຍກວ່າ100ຊົ່ວໂມງແລ້ວ.
|
|
|
