ຕາມ​ຂ່າວCRI: ວັນ​ທີ 13 ພຶດສະພາ​ນີ້​ຢູ່​ທີ່​ປັກ​ກິ່ງ, ​ໃນ​ເວລາ​ໃຫ້​ສຳພາດ​ຕໍ່​ນັກ​ຂ່າວCRI, ​ເຈົ້າ​ໜ້າ​ທີ່​ກົມ​ທ່ອງ​ທ່ຽວ​ແຫ່ງ​ຊາດ​ຈີນ​ກ່າວ​ວ່າ, ຍັງ​ບໍ່​ມີ​ການລາຍ​ງານ​ກ່ຽວ​ກັບສະພາບ​ການເສຍ​ຊີວິດ​ຫຼືບາດ​ເຈັບຂອງ​ນັກ​ທ່ອງ​ທ່ຽວ​ຕ່າງປະ​ເທດ​ທີ່​ພວມ​ທ່ຽວ​ຢູ່​ແຂວງ​ເຊ​ສວນ. ກົມ​ທ່ອງ​ທ່ຽວ​ແຫ່ງ​ຊາດ​ຈີນ​ໄດ້​ເລີ່​ມປະຕິບັດ​ແຜນການ​ສຸກ​ເສີນຈີນ​ການທ່ອງທ່ຽວ, ​ໄດ້​ຕັ້ງ​ໜ່ວຍ​ນຳພາ​ປະສານ​ງານ​ການ​ຕ້ານ​​ແລະ​ກູ້​ໄພ​ແຜ່ນດິນ​ໄຫວ​ທີ່​ທ່ານ​ຊ້າ​ວ​ເວ​ຊີ ຫົວໜ້າ​ກົມ​ທ່ອງ​ທ່ຽວ​ແຫ່ງ​ຊາດ​​​ເປັນ​ຫົວໜ້າ, ຈັດ​ຕັ້ງ​ໜ່ວຍ​ງານ​ກູ້​ໄພ​ສຸກ​ເສີນ 6 ໜ່ວຍ, ​ແລະ​ເຮັດ​ວຽກ​ງານ​ກະກຽມ​ຕ່າງໆ​​ເພື່ອ​ໄປ​ຊ່ອຍ​ເຫຼືອ​ນັກ​ທ່ອງ​ທ່ຽວ​ຢູ່​ເຂດ​ປະສົບ​ໄພ​ໃຫ້​ດີ.

ຕອນ​ບ່າຍ​ວັນ​ທີ 12 ພຶດສະພາ​ນີ້, ພາຍຫຼັງ​ເມືອງ​ເວິ້ນຊ່ວນ​ແຂວງ​ເຊ​ສວນ​ເກີດ​ໄພ​ແຜ່ນດິນ​ໄຫວ​ແລ້ວ, ກົມ​ທ່ອງ​ທ່ຽວ​ແຫ່ງ​ຊາດ​ຈີນ​ຮຽກຮ້ອງ​ໃຫ້​ຂະ​ແໜງ​ການທ່ອງທ່ຽວ​ແຫ່ງຕ່າງໆ​ຢຸດຕິ​ການຈັດ​ຄະນະ​ທ່ອງ​ທ່ຽວ​ໄປ​ແລະ​ຜ່ານ​ເຂດ​ປະສົບ​ໄພ​ແຜ່ນດິນ​ໄຫວ​ຂອງ​ແຂວງ​ເຊຊວນ​ໃນ​ທັນ​ທີ. ສຳ​ລັບ​ບໍລິສັດທ່ອງ​ທ່ຽວ​ທີ່​ໄດ້​ຕັ້ງ​ຄະນະທ່ອງ​ທ່ຽວ​ແລ້ວ​ນັ້ນ, ຕ້ອງຢຸດຕິ​ການທ່ອງທ່ຽວ​ທີ່​ຜ່ານ​ເຂດ​ປະສົບ​ໄພ​ໃນ​ທັນທີ.