ຕາມ​ຂ່າວສານ​ຊິນ​ຮວາ:ວັນ​ທີ26 ​ເມສາ​ນີ້,ທ່ານ​ເຊີນ​ດົ່ງ​ຊີ ຮອງ​ຫົວໜ້າ​ສະ​ຖາ​ບັນ​ຄົ້ນຄວ້າ​ເສ​ດຖະກິດ​ມະຫາ​ພາກ​ຂອງ​ຄະນະ​ກຳມະການ​ພັດທະນາ​ແລະ​ປະຕິ​ຮູບ​ແຫ່ງລັດ​ຈີນ​ກ່າວ​ວ່າ,​ເສດຖະກິດ​ຈີນ​ຈະ​ເຕີບ​ໂຕ​ຢ່າງ​ຕໍ່​ເນື່ອງ​ກ່ອນ​ປີ2020.

ໃນ​ເວທີ​ປາ​ໄສ​ສຸດ​ຍອດ​ອ່າວ​ພາກ​ເໜືອ​ຈີນ​ທີ່​ຈັດ​ຂຶ້ນ​ຢູ່​ເມືອງ​ນານ​ນິງຂອງ​ແຂວງ​ກວາງຊີ​ຈີນ,ທ່ານ​ເຊີນ​ດົ່ງ​ຊີ​ກ່າວ​ວ່າ,​ນັບ​ແຕ່​ຈີນ​ໄຂ​ປະຕູ​ສູ່​ພາຍ​ນອກ30ປີ​ມາ​ນີ້,GDP​ເຕີ​ບ​ໂຕ9,88%ສະ​ເລ່ຍຕໍ່​ປີ,​ນີ້​ແມ່ນ​​ຄວາມ​ອັດສະຈັນຂອງ​ໂລກ.ທ່ານ​ເຫັນ​ວ່າ,ປັດຈຸບັນ,ປັດ​ໄຈ​ທີ່​ກະທົບ​ເສດຖະກິ​ດຈີນ​ພັດທະນາ​ເປັນ​ເວລາ​ຍາວ​ນານນັ້ນ​ບໍ່​ໄດ້ຫຼຸດ​ລົງ​ຍ້ອນ​ເວລາ30ປີ,ຫາກຍັງ​ມີ​​ໂອກາດ​ພັດທະນາອັນ​ໃຫຍ່​ຫຼວງ.​ເຖິງ​ວ່າ​ລະດັບ​ອາ​ໄສ​ການ​ຄ້າ​ຕໍ່​ຕ່າງປະ​ເທດຂອງ​ຈີນ​​ແມ່ນສູງ​ທີ່​ສຸດ,​ແຕ່​ວ່າລວງ​ເລິກ​ແລະ​ເນື້ອ​ໃນ​ຂອງ​ການ​ໄຂ​ປະຕູຂອງ​ຈີນ​ຍັງ​ພວມ​ພັດທະນາຢູ່;ພ້ອມ​ກັນ​ນັ້ນ,ທຽບ​ກັບ​ທົ່ວ​ໂລກ​ແລ້ວ,ລະດັບ​ຫັນ​ເປັນ​ຕົວ​ເມືອງ​ຂອງ​ຈີນ​ຍັງ​ຕ່ຳຫຼາຍ,ການ​ພັດທະນາ​ຕົວ​ເມືອງ​ຍັງ​ຈະ​ສືບ​ຕໍ່ດຳ​ເນີນ​ໄປ,​ແລະຈະ​ນຳ​ມາ​ເຊິ່ງການ​ລົງທຶນທີ່​ສູງ​ສົມຄວນ,ສິ່ງ​ເຫຼົ່າ​ນີ້​ລ້ວນ​ແຕ່​ຈະ​ຊຸກຍູ້​ການ​ພັດທະນາ​ເສດຖະກິດ​ພາຍ​ໃນປະ​ເທດ​ຈີນ.