|
ຕາມຂ່າວCRI,ວັນທີ2ເມສານີ້,ຢູ່ທີ່ປັກກິ່ງ,ທ່ານວາງສີຊ່ານ ຮອງນາຍົກລັດຖະມົນຕີຈີນທີ່ເປັນທູດພິເສດຂອງທ່ານຫູຈິນທາວ ປະທານປະເທດຈີນ ກ່າວວ່າ,ການເຈລະຈາເສດຖະກິດ ຍຸດທະສາດ ຈີນອາເມລິກາຄັ້ງທີ4ຈະຈັດຂຶ້ນຢູ່ອາເມລິກາໃນເດືອນມິຖຸນາປີນີ້,ຈີນຍິນດີຮ່ວມກັບອາເມລິກາເຮັດວຽກງານການກະກຽມທຸກດ້ານໃຫ້ດີ,ຮັກສາຄວາມຕໍ່ເນື່ອງຂອງການເຈລະຈາ,ພະຍາຍາມເຮັດໃຫ້ການເຈລະຈາໄດ້ຮັບໝາກຜົນໃໝ່ທີ່ຕັ້ງໜ້າແລະຕິດແທດຕົວຈິງ.
ທ່ານວາງສີຊ່ານ ໃຫ້ທັດສະນະດັ່ງກ່າວໃນເວລາພົບປະເຈລະຈາກັບທ່ານເຮນຣີພໍຊັນ ລັດຖະມົນຕີວ່າການກະຊວງການເງິນອາເມລິກາ ທີ່ເປັນທູດພິເສດຂອງທ່ານຈອດຈ໌ ບຸສ ປະທານາທິບໍດີອາເມລິກາ.
ທ່ານວາງສີຊ່ານກ່າວວ່າ,ນັບແຕ່ທ່ານປະທານຫູຈິນທາວກັບທ່ານປະທານາທິບໍດີບຸສລິເລີ່ມສ້າງໃຫ້ມີການເຈລະຈາເສດຖະກິດຍຸດທະສາດຈີນອາເມລິກາມານີ້,ສອງຝ່າຍໄດ້ສ້າງການເຈລະຈາຍຸດທະສາດ3ເທື່ອຢ່າງສຳເລັດຜົນແລ້ວ, ໄດ້ປະກອບສ່ວນອັນສຳຄັນເຂົ້າໃນການຊຸກຍູ້ການພົວພັນຈີນອາເມລິກາຂະຫຍາຍຕົວຢ່າງໝັ້ນທ່ຽງ
ໃນເວລາໂອລົມກັນ,ທ່ານພໍຊັນໄດ້ແຈ້ງສະພາບເສດຖະກິດອາເມລິກາ.ທ່ານກ່າວວ່າ,ອາເມລິກາຄອງຄອຍຈັດການເຈລະຈາເສດຖະກິດຍຸດທະສາດຄັ້ງທີ4ກັບຈີນ,ຮັບປະກັນໃຫ້ການພົວພັນດ້ານເສດຖະກິດການຄ້າແລະການພົວພັນທຸກດ້ານລະຫວ່າງສອງປະເທດພັດທະນາຢ່າງໝັ້ນທ່ຽງ.
|
