|
|
 |
| (GMT+08:00)
2008-02-29 18:13:03
|
 |
|
ຈີນຊຸກຍູ້ການສ້າງຄວາມເຊື່ອຖືຂອງຂະແໜງການນຳເຂົ້າແລະສົ່ງອອກກົນຈັກແລະເຄື່ອງໄຟຟ້າ
cri
Author: d
ຕາມຂ່າວCRI: ວັນທີ29ກຸມພານີ້ ສະພາການຄ້າຂາອອກຂາເຂົ້າຜະລິດຕະພັນກົນຈັກແລະເຄື່ອງໄຟຟ້າຂອງຈີນໄດ້ປະກາດລາຍຊື່ວິສາຫະກິດທີ່ຜະລິດອຸປະກອນຄົບຊຸດຂະໜາດໃຫຍ່62ແຫ່ງທີ່ໄດ້ຮັບລະດັບຄວາມເຊື່ອຖື3A.ການກະທຳດັ່ງກ່າວມີຈຸດປະສົງເພື່ອຊຸກຍູ້ສະຕິຄວາມເຊື່ອຖືແລະລະດັບຄຸ້ມຄອງຄວາມເຊື່ອຖືຂອງວິສາຫະກິດນຳເຂົ້າແລະສົ່ງອອກກົນຈັກແລະເຄື່ອງໄຟຟ້າຂອງຈີນ.
ຕົ້ນປີ2007 ສະພາການຄ້າຂາອອກຂາເຂົ້າກົນຈັກແລະເຄື່ອງໄຟຟ້າໄດ້ຮັບອະນຸຍາດໃຫ້ເປັນຫົວໜ່ວຍທົດລອງຕີລາຄາຄວາມເຊື່ອຖືຂອງຂະແໜງການກຸ່ມທຳອິດໃນທົ່ວປະເທດ. ນັບມາຮອດປະຈຸບັນ,ສະພາການຄ້າຂາອອກຂາເຂົ້າກົນຈັກແລະເຄື່ອງໄຟຟ້າຈີນໄດ້ປະກາດລາຍຊື່ວິສາຫະກິດລະດັບຄວາມເຊື່ອຖືທີ່ນຳເຂົ້າແລະສົ່ງອອກກົນຈັກແລະເຄື່ອງໄຟຟ້າ150ແຫ່ງແລ້ວ.
ໃນຫຼາຍປີມານີ້,ການນຳເຂົ້າແລະສົ່ງອອກຂອງຂະແໜງການກົນຈັກແລະເຄື່ອງ ໄຟຟ້າຂອງຈີນເພີ່ມຂຶ້ນຢ່າງຕໍ່ເນື່ອງແລະວ່ອງໄວ,ຍອດມູນຄ່ານຳເຂົ້າແລະສົ່ງອອກຂອງຂະແໜງການກົນຈັກແລະເຄື່ອງໄຟຟ້າຂອງຈີນໃນປີກາຍນີ້ໄດ້ບັນລຸ1200ຕື້ກວ່າໂດລາ.
|
|
|
