|
|
 |
| (GMT+08:00)
2008-02-08 15:49:18
|
 |
|
ແຫ່ງຕ່າງໆຂອງຈີນສືບຕໍ່ກູ້ໄພ
cri
Author: da
ຕາມຂ່າວສານຊິນຮວາ: ວັນທີ7ກຸມພາແມ່ນບຸນກຸດຈີນ ບຸນປະເພນີຕາມຈັນທະຄະຕິຈີນ,ພາກສ່ວນທີ່ກ່ຽວຂ້ອງຢູ່ແຫ່ງຕ່າງໆຂອງຈີນຍັງສືບຕໍ່ກູ້ໄພຢູ່ເຂດປະສົບໄພ ນ້ຳກ້າມ.
ຕອນຄ່ຳວັນທີ7ກຸມພາ,ກະຊວງການປົກຄອງແລະປະຊາສົງເຄາະຈີນພ້ອມກັບພະນັກງານພາກສ່ວນການປົກຄອງແລະປະຊາສົງເຄາະໃນແຂວງພາກໃຕ້ທີ່ປະສົບໄພນ້ຳກ້າມໜັກໄດ້ລົງຮາກຖານກູ້ໄພ,ຊ່ວຍແກ້ໄຂຄວາມຫຍຸ້ງຍາກທາງຊີວິດການເປັນຢູ່ອັນພື້ນຖານຂອງປະຊາຊົນຜູ່ປະສົບໄພ. ນັບຮອດ18ໂມງຂອງວັນທີ7,ພາກສ່ວນການປົກຄອງແລະປະຊາສົງເຄາະທຸກຂັ້ນຂອງແຂວງຫູໜານ ແຂວງກຸ້ຍໂຈ່ວແລະເຂດປົກຄອງຕົນເອງເຜົ່າຈ້ວງກວາງຊີຈີນໄດ້ຈັດເອົາງົບປະມານ370ລ້ານຢວນ,ເອົາເຂົ້າເກືອບ3ໝື່ນໂຕນໃຫ້ປະຊາຊົນຜູ່ປະສົບໄພ.
ປະຈຸບັນ,ຍັງມີນາຍແລະພົນຕຳຫຼວດປະກອບອາວຸດ6ພັນ6ຮ້ອຍກວ່າຄົນສູ້ຊົນຢູ່ແນວທີ1ຕ້ານໄພກູ້ໄພຢູ່ເຂດປະສົບໄພພາກໃຕ້ຈີນ,ຊຳລະຫິມະແລະນ້ຳກ້າມບົນເສັ້ນທາງ ຂົນສົ່ງວັດຖຸກູ້ໄພ ແລະຈັດວາງຜູ່ໂດຍສານທີ່ຍັງບໍ່ທັນເມືອບ້ານ.
ຫວ່າງມໍ່ໆນີ້ ບໍລິສັດຕາໜ່າງໄຟຟ້າພາກໃຕ້ຈີນຈັດວາງ4ໝື່ນຄົນໄປຕ້ານໄພກູ້ໄພຢູ່ເຂດປະສົບໄພ.ໂດຍຜ່ານການສ້ອມແປງດ້ວຍ,ສາຍສົ່ງໄຟຟ້າທີ່ຖືກທຳລາຍມີເກືອບເຄິ່ງໜຶ່ງໄດ້ຮັບການຟື້ນຟູເປັນປົກກະຕິແລ້ວ.
ນັບຮອດຕອນຄ່ຳວັນທີ7ກຸມພາ,ແຫ່ງຕ່າງໆທົ່ວປະເທດຈີນໄດ້ບໍລິຈາກເງິນແລະວັດຖຸຕົກລວມ1ຕື້ກວ່າຢວນໃຫ້ເຂດປະສົບໄພ.
|
|
|
