|
|
 |
| (GMT+08:00)
2008-01-28 17:57:23
|
 |
|
ຈີນມີ77ລ້ານກວ່າຄົນປະສົບໄພຫິມມະ
cri
ຕາມຂ່າວCRI,ກະຊວງການປົກຄອງແລະປະຊາສົງເຄາະຈີນແຈ້ງໃຫ້ຊາບວ່າ,ຕາມສະຖິຕິນັບມາຮອດເວລາ14ໂມງຂອງວັນທີ28ມັງກອນນີ້,ຝົນຕົກແຮງແລະຫິມະຕົກໜັກມາແຕ່ວັນທີ10ເດືອນນີ້ໄດ້ເຮັດໃຫ້ປະຊາຊົນຈີນ77ລ້ານ8ແສນ6ໝື່ນກວ່າຄົນປະສົບໄພ,ມີ24ຄົນເສຍຊີວິດ.
ຕາມສະຖິຕິຂອງກະຊວງການປົກຄອງແລະປະຊາສົງເຄາະຈີນ,ຝົນຕົກແຮງແລະຫິມະຕົກໜັກເທື່ອນີ້ໄດ້ສົ່ງຜົນກະທົບຢ່າງກວ້າງຂວາງ,ອັນເຮັດໃຫ້14ແຂວງ ກຳແພງນະຄອນແລະເຂດປົກຄອງຕົນເອງເຊັ່ນແຂວງຫູນານ ແຂວງຫູເປ ແຂວງກຸ່ຍໂຈ່ວ ແຂວງສ້ານຊີ່ແລະອື່ນໆປະສົບໄພ.ພາຍຫຼັງເກີດໄພພິບັດ,ກະຊວງການປົກຄອງແລະປະຊາສົງເຄາະຈີນໄດ້ປະຕິບັດແຜນການສຸກເສີນຢ່າງທັນການ,ປັດຈຸບັນໄດ້ຍົກຍ້າຍແລະຈັດວາງ3ແສນ5ໝື່ນກວ່າຄົນໂດຍດ່ວນແລ້ວ.
ຂ່າວແຈ້ງອີກວ່າ,ຢູ່ບາງທ້ອງຖິ່ນທີ່ປະສົບໄພຫິມະແລະນ້ຳກ້າມ,ລາຄາສິນຄ້ານັບມື້ນັບແພງຂຶ້ນຍ້ອນສະພາບອາກາດຮຸນແຮງ.ລັດຖະບານແລະອົງການປົກຄອງທ້ອງຖິ່ນຕ່າງໆພວມພະຍາຍາມດັດສົມລາຄາສິນຄ້າທີ່ຕິດພັນກັບຊີວິດປະຈຳວັນຂອງປະຊາຊົນ.
|
|
|
