|
|
 |
| (GMT+08:00)
2008-01-26 18:27:39
|
 |
|
ທ່ານເຈີນເພີຍຢຽນບັນຍາຍທັດສະນະເສດຖະກິດໂລກກັບການພັດທະນາຂອງຈີນ
cri
Author: da
ຕາມຂ່າວCRI: ຕອນບ່າຍວັນທີ24ມັງກອນນີ້ ຢູ່ດາວົສຂອງສວີສ ທ່ານເຈີນເພີຍ ຢຽນ ຮອງນາຍົກລັດຖະມົນຕີຈີນໄດ້ປະກອບຄຳເຫັນພິເສດໃນກອງປະຊຸມເວທີປຶກສາຫາລືເສດຖະກິດໂລກ,ບັນຍາຍທັດສະນະກ່ຽວກັບບັນຫາສຳຄັນຄືເສດຖະກິດຂອງໂລກກັບການພັດທະນາຂອງຈີນ ໂດຍປິ່ນອ້ອມຫົວຂໍ້"ກຳລັງທີ່ປະສານການປະດິດສ້າງ".
ທ່ານເຈີນເພີຍຢຽນກ່າວວ່າ,ຫວ່າງມໍ່ໆນີ້ ການພັດທະນາເສດຖະກິດຂອງທົ່ວໂລກມີຄວາມບໍ່ແນ່ໃຈຫຼາຍຂຶ້ນ,ວິກິດການເງິນກູ້ດ້ອຍຄຸນນະພາບຂອງອາເມລິກາມີຜົນສະທ້ອນກວ້າງອອກ,ຜະລິດຕະພັນກະສິກຳແລະພະລັງງານຂອງໂລກຂຶ້ນລາຄາ,ການປ່ຽນແປງຂອງດິນຟ້າອາກາດໃນທົ່ວໂລກມີຄວາມກົດດັນນັບມື້ນັບໃຫຍ່ຂຶ້ນ.ຈີນຍິນດີພ້ອມກັນກັບປະຊາຄົມໂລກ,ຕັ້ງໜ້າສະແຫວງຫາວິທີແກ້ໄຂ,ປະກອບສ່ວນເພື່ອໃຫ້ເສດຖະກິດຂອງໂລກມີຄວາມໝັ້ນທ່ຽງແລະພັດທະນາແບບຍືນຍົງ.
ໃນເວລາກ່າວເຖິງການພັດທະນາເສດຖະກິດ ການປະຕິຮູບແລະໄຂປະຕູສູ່ພາຍນອກຂອງຈີນ,ທ່ານເຈີນເພິຍຢຽນກ່າວວ່າ,ກອງປະຊຸມໃຫຍ່ຄັ້ງທີ17ຂອງພັກກອມມູນິດຈີນໄດ້ບັນຍາຍພັດທະນາທັດວິທະຍາສາດທີ່ຖືຄົນເປັນກົກ ປະສານງານຮອບດ້ານແລະສືບເນື່ອງ.ຈີນຈະທຳຄວາມພະຍາຍາມໃນການຮັກສາໃຫ້ເສດຖະກິດພັດທະນາຢ່າງໝັ້ນທ່ຽງແລະອ່າວໄວ ເພີ່ມຄວາມສາມາດຂອງການປະດິດສ້າງຜະລິດຕະພັນ ແລະເປີດກວ້າງການໄຂປະຕູສູ່ພາຍນອກຕື່ມອີກ ແລະອື່ນໆ.
ຂ່າວແຈ້ງອີກວ່າ,ຕອນຄ່ຳວັນທີ24 ຢູ່ດາວົສ ທ່ານຄຼາວສ ສວັບ ຜູ່ລິເລີ່ມ ທັງເປັນປະທານເວທີປຶກສາຫາລືເສດຖະກິດໂລກກ່າວວ່າ,ເວທີປຶກສາຫາລືເສດຖະກິດໂລກໄດ້ຮັກສາການພົວພັນດີທີ່ສຸດກັບຈີນໃນ30ປີທີ່ຜ່ານມາ,ທ່ານຫວັງໃຫ້ເປີດກວ້າງການຮ່ວມມືກັບຈີນຕື່ມອີກ.
|
|
|
