ຕາມ​ຂ່າວCRI,ວັນ​ທີ24​ມັງກອນ​ນີ້,ຢູ່​ທີ່​ປັກ​ກິ່ງ,ທ່ານ​ເຊ້ຟູ​ຈ່ານ ຫົວໜ້າ​ກົມ​ສະ​ຖິຕິ​ແຫ່ງ​ຊາດ​ຈີນ​ກ່າວ​ວ່າ,ປີ2007,​ເສດຖະກິດ​ແຫ່ງ​ຊາດ​ຈີນ​ໄດ້​ຮັກສາ​ທ່າ​ອ່ຽງທີ່ດີງາມ​ຄື​ພັດທະນາ​ຢ່າງ​ໝັ້ນ​ທ່ຽງ​ແລະ​ວ່ອງ​ໄວ.

ໃນ​ມື້​ນັ້ນ,​ກົມ​ສະຖິຕິ​ແຫ່ງ​ຊາດ​ຈີນ​ໄດ້​ປະກາດ​ຂໍ້​ມູນ​ວ່າ,​ປີ​2007,​ລວມ​ຍອດ​ຜະ​ລິດ​ຕະ​ພັນ​ພາຍ​ໃນ​ປະ​ເທດ​ຫຼື​GDP​ຂອງ​ຈີນ​ຫຼາຍ​ກວ່າ​2​ໝື່ນ​4​ພັນ​ຕື້​ຢວນ,​ເພີ່ມ​ຂຶ້ນ​ຫຼາຍ​ກວ່າ​ປີ​2006 11,4%,​ແລະ​ເປັນ​ປີ​ທີ​5​ແລ້ວ​ທີ່​ເຕີບ​ໂຕ​ບັນ​ລຸ​ຫຼື​ຫຼາຍ​ກວ່າ​10%.

ທ່ານ​ເຊ້ຟູ​ຈ່ານ​ກ່າວ​ວ່າ,ປີ​ນີ້,ຈີນ​ຈະ​ປະຕິບັດ​ນະ​ໂຍບາຍ​ການ​ເງິນ​ອັນ​ໝັ້ນ​ທ່ຽງ​ແລະ​ນະ​ໂຍ​ບາຍ​​ເງິນຕຶງ,​ເລັ່ງລັດຫັນປ່ຽນ​ຮູບ​ແບບ​ພັດ​ທະ​ນາ​ເສດ​ຖະ​ກິດ,​ສຸມ​ກຳ​ລັງ​ເຂົ້າ​ໃນ​ການ​ຊຸກ​ຍູ້​ການ​ປັບ​ປຸງ​ອົງ​ປະກອບ​ເສດ​ຖະກິດ,​ແລະ​ພະ​ຍາ​ຍາມ​ບັນ​ລຸ​ໃຫ້​ເສດ​ຖະ​ກິດ​ພັດ​ທະ​ນາ​ທັງ​ດີ​ທັງ​ໄວ.