|
ຈີນເພີ່ມການເຂົ້າຮ່ວມວຽກງານຕ່າງໆຂອງWTO, ສ້າງພາບພົດປະເທດໃຫຍ່ທີ່ມີຄວາມຮັບຜິດຊອບ
cri
Author: mo
ຕາມຂ່າວCRI：ວັນທີ 24 ມັງກອນນີ້, ຢູ່ທີ່ປັກກິ່ງ, ທ່ານວາງຊິນເຜີຍ ໂຄສົກກະຊວງການຄ້າຈີນກ່າວວ່າ, ນັບແຕ່ຈີນເຂົ້າຮ່ວມອົງການການຄ້າໂລກຫຼືWTO 6 ປີປາຍມານີ້, ໄດ້ເພີ່ມການເຂົ້າຮ່ວມວຽກງານຕ່າງໆຂອງWTO, ແລະໄດ້ສ້າງພາບພົດປະເທດໃຫຍ່ທີ່ມີຄວາມຮັບຜິດຊອບ.
ໃນກອງປະຊຸມຂ່າວປະຈຳຂອງກະຊວງການຄ້າຈີນ, ທ່ານວາງຊິນເຜີຍກ່າວວ່າ, ປີ 2007, ຈີນຕັ້ງໜ້າຊຸກຍູ້ການເຈລະຈາຮອບໂດຮາຂອງWTO, ໄດ້ເສີມຂະຫຍາຍບົດບາດທີ່ມີລັກສະນະສ້າງສັນ; ໄດ້ຮ່ວມມືກັບ 17 ອົງການພາຍໃນ WTO ພິຈາລະນາທີ່ມີລັກສະນະຂ້າມຜ່ານຕໍ່ຄຳໝັ້ນສັນຍາຂອງຈີນທີ່ມີຕໍ່WTO, ໄດ້ໃຫ້ຄວາມກະຈ່າງແຈ້ງຕໍ່ຄວາມເຂົ້າໃຈຜິດຂອງສະມາຊິກຈຳນວນໜຶ່ງ; ເດືອນທັນວາປີກາຍນີ້, ຈີນໄດ້ເລີ່ມການເຈລະຈາກ່ຽວກັບການເຂົ້າຮ່ວມ"ສັນຍາຈັດຊື້ຂອງລັດຖະບານ"ຂອງWTO ຢ່າງເປັນທາງການ.
ທ່ານວາງຊິນເຜີຍກ່າວວ່າ, ປີກາຍນີ້, ທ່ານພາສ໌ຄານ ລາມີ ຜູ້ອຳນວຍການໃຫຍ່ຂອງWTOໄດ້ມີຢ້ຽມຢາມຈີນ, ທ່ານຊົມເຊີຍຈີນໄດ້ສົ່ງເສີມບົດບາດທີ່ມີລັກສະນະສ້າງສັນໃນWTO.
|
|
