|
|
 |
| (GMT+08:00)
2007-12-09 16:24:23
|
 |
|
ປີນີ້ສະພາບການສິ້ນເປືອງພະລັງງານຕໍ່ຫົວໜ່ວຍGDPຂອງຈີນສືບຕໍ່ຫຼຸດລົງເປັນຢ່າງດີ
cri
ຕາມໜັງສືພິມເຢິນມິນຢື້ປ້າວຂອງຈີນສະບັບວັນທີ9ທັນວານີ້.ໃນກອງປະຊຸມວຽກງານການພັດທະນາແລະການປະຕິຮູບທົ່ວປະເທດຈີນທີ່ຈັດຂຶ້ນຢູ່ປັກກິ່ງໃນຫວ່າງມໍ່ໆນີ້,ທ່ານມາຄາຍ ປະທານຄະນະກຳມະການການພັດທະນາແລະການປະຕິຮູບແຫ່ງລັດຈີນກ່າວວ່າ,ພາຍໃຕ້ຄວາມພະຍາຍາມຢ່າງຕັ້ງໜ້າຂອງຝ່າຍຕ່າງໆ,ປີນີ້,ວຽກງານປະຢັດພະລັງງານແລະຫຼຸດການລະບາຍມົນລະພິດຂອງຈີນໄດ້ຮັບໝາກຜົນເບື້ອງຕົ້ນ.ໃນສາມໄຕມາດທຳອິດປີນີ້,ສະພາບການສິ້ນເປືອງພະລັງງານຕໍ່ຫົວໜ່ວຍGDPສືບຕໍ່ຫຼຸດຕ່ຳລົງເປັນຢ່າງດີ,ເຊິ່ງໄດ້ຫຼຸດລົງ3%ເມື່ອທຽບໃສ່ໄລຍະດຽວກັນຂອງປີກາຍນີ້.ປະລິມານການລະບາຍຊຸນເຟີດີອອກຊິດໄດ້ຫຼຸດລົງເປັນເທື່ອທຳອິດໃນຫຼາຍປີມານີ້.
ທ່ານມາຄາຍແຈ້ງໃຫ້ຊາບວ່າ,ປີໜ້າ,ຈີນຈະໃຊ້ມາດຕະການຕ່າງໆເຊັ່ນເພີ່ມຄວາມເຂັ້ມງວດຂອງລະບຽບການໜ້າທີ່ຮັບຜິດຊອບຕໍ່ເປົ້າໝາຍປະຢັດພະລັງງານແລະຫຼຸດການລະບາຍມົນລະພິດ,ປະຖິ້ມຄວາມສາມາດການຜະລິດທີ່ຫຼ້າຫຼັງເປັນຕົ້ນເພື່ອຊຸກຍູ້ວຽກງານປະຢັດພະລັງງານແລະຫຼຸດການລະບາຍມົນລະພິດ.
|
|
|
