|
ຈີນຈະເພີ່ມທະວີການອະນຸລັກຊັບພະຍາກອນແນວພັນຊີວະຊາດ
cri
Author: mo
ຕາມຂ່າວCRI: ວັນທີ 7 ທັນວານີ້, ກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນໄດ້ປະກາດ"ໂຄງຮ່າງຂອງແຜນອະນຸລັກແລະການນຳໃຊ້ຊັບພະຍາກອນແນວພັນຊີວະຊາດທົ່ວປະເທດ", ກ່າວເນັ້ນໃຫ້ອະນຸລັກສິ່ງແວດລ້ອມດັ້ງເດີມຂອງຊັບພະຍາກອນແນວພັນບໍ່ຖືກທຳລາຍ, ປ້ອງກັນບໍ່ໃຫ້ຊັບພະຍາກອນແນວພັນສູນເສຍ, ຄວບຄຸມຢ່າງເຄັ່ງຄັດຕໍ່ການສົ່ງອອກຊັບພະຍາກອນແນວພັນ, ປ້ອງກັນບໍ່ໃຫ້ຊັບພະຍາກອນແນວພັນສູນເສຍ.
"ໂຄງຮ່າງ"ສະເໜີວ່າ, ຮອດປີ 2010, ສະກັດກັ້ນທ່ວງທ່າຊັບພະຍາກອນແນວພັນຊີວະຊາດຫຼຸດໜ້ອຍລົງຢ່າງວ່ອງໄວນັ້ນຢ່າງບັງເກີດຜົນ, ຮອດປີ 2015, ຄວບຄຸມບໍ່ໃຫ້ຊັບພະຍາກອນແນວພັນຊີວະຊາດສູນເສຍໃນຂັ້ນພື້ນຖານ, ຮອດປີ 2020, ໃຫ້ຊັບພະຍາກອນແນວພັນຊີວະຊາດໄດ້ຮັບການອະນຸລັກຢ່າງບັງເກີດຜົນ.
ທ່ານອູສຽງຊີງ ຮອງຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນກ່າວວ່າ, ການປະຕິບັດ"ໂຄງຮ່າງ"ດັ່ງກ່າວຈະປົກປ້ອງຊັບພະຍາກອນແນວພັນຊີວະຊາດຢ່າງບັງເກີດຜົນ, ຮັບປະກັນຄວາມປອດໄພດ້ານຊີວະພາບຂອງຊາດ, ພ້ອມກັນນັ້ນ, ກໍ່ສ່ອງແສງໃຫ້ເຫັນທ່າທີຂອງຈີນທີ່ຕັ້ງໜ້າປະຕິບັດຕາມສົນທິສັນຍາສາກົນແລະເຂົ້າຮ່ວມການຮ່ວມມືສາກົນ.
|
|
