|
|
 |
| (GMT+08:00)
2007-11-23 13:49:55
|
 |
|
ຫົວຫນ້າກົມອຸຕຸນິຍົມຈີນກ່າວວ່າລັດຖະບານຈີນເຮັກວຽກງານຢ່າງຈິງຈັງເພື່ອຮັບມືກັບການປ່ຽນແປງທາງດິນຟ້າອາກາດ
cri
ຕາມຂ່າວສານຊິນຮວາ:ວັນທີ 22 ພະຈິກນີ້,ທ່ານເຈິ້ງໂກວກວາງ ຫົວຫນ້າກົມອຸຕຸນິຍົມຈີນກ່າວວ່າ,ລັດຖະບານຈີນໄດ້ເຮັດວຽກງານຢ່າງຈິງຈັງເພື່ອຮັບມືກັບການປ່ຽນແປງທາງດິນຟ້າອາກາດ,ແລະໄດ້ຮັບຫມາກຜົນດີຢ່າງເດັ່ນຊັດ.
ທ່ານເຈິ້ງໂກວກວາງກ່າວໃນງານຖະແຫຼງຂ່າວຂອງຄະນະກຳມະ ການດິນຟ້າອາກາດແຫ່ງຊາດຈີນທີ່ຈັດຂຶ້ນຢູ່ປັກກິ່ງ.
ທ່ານເຈິ້ງໂກວກວາງກ່າວວ່າ, ບົດລາຍງານຂອງກອງປະຊຸມໃຫຍ່ຄັ້ງທີ 17 ຂອງພັກກອມມູນິດຈີນໄດ້ສະເຫນີບັນຫາກ່ຽວກັບການຮັບມືກັບການປ່ຽນແປງຂອງດິນຟ້າອາກາດເທື່ອທຳອິດ,ສະແດງໃຫ້ເຫັນຄວາມເອົາໃຈໃສ່ຢ່າງຈີງຈັງຂອງຈີນໃນການປະຕິບັດພັນທະສາກົນເພື່ອປົກປ້ອງສະພາບແວດລ້ອມໃນທົ່ວໂລກ.
ຕາມແຈ້ງວ່າ,ນັບແຕ່ເດືອນມິດຖຸນາປີນີ້ມານີ້,ລັດຖະບານຈີນໄດ້ປະກາດເອກະສານຕ່າງໆເຊັ່ນ ແຜນການແຫ່ງລັດຈີນກ່ຽວກັບການຮັບມືກັບການປ່ຽນແປງທາງດິນຟ້າອາກາດແລະແຜນແມ່ບົດເພື່ອປະຢັດພະລັງງານແລະຫຼຸດການລະບາຍອາຍພິດເປັນຕົ້ນ.ການປະຢັດພະລັງງານ ຫຼຸດການລະບາຍອາຍພິດແລະຮັບມືການປ່ຽນແປງທາງດິນຟ້າອາກາດໄດ້ກາຍເປັນວຽກງານສຳຄັນແລະເປັນວຽກງານທີ່ຕື່ນຕົວຂອງອົງການປົກຄອງທຸກຂັ້ນຂອງຈີນ
|
|
|
