|
ທ່ານເວີ່ນເຈ່ຍປາວ ນາຍົກລັດຖະມົນຕີຈີນກັບທ່ານຢາຊູໂອ ຟູຄູດາ ນາຍົກລັດຖະມົນຕີຍີ່ປຸ່ນສົ່ງໂທລະເລກອວຍພອນແກ່ກັນກ່ຽວກັບສາຍສຳພັນທາງການທູດລະຫວ່າງຈີນກັບຍີ່ປຸ່ນຫັນເປັນປົກກະຕິຄົບຮອບ 35 ປີ
cri
Author: cai
ຕາມຂ່າວສານຊີນຮວາ:ວັນທີ 29 ກັນຍານີ້,ທ່ານເວີ່ນເຈ່ຍປາວ ນາຍົກລັດຖະມົນຕີຈີນກັບທ່ານຢາຊູໂອ ຟູຄູດາ ນາຍົກລັດຖະມົນຕີຍີ່ປຸ່ນຕ່າງໄດ້ສົ່ງໂທລະເລກອວຍພອນແກ່ກັນກ່ຽວກັບສາຍສຳພັນການທູດລະຫວ່າງຈີນກັບຍີ່ປຸ່ນຫັນເປັນປົກກະຕິຄົບຮອບ 35 ປີ.
ໃນໂທລະເລກອວຍພອນ,ທ່ານເວີ່ນເຈ່ຍປາວຂຽນວ່າ,ເມື່ອ 35 ປີກ່ອນ,ນັກການເມືອງຮຸ້ນກ່ອນຂອງຈີນແລະຍີ່ປຸ່ນໄດ້ວາງນະໂຍບາຍທີ່ມີລັກສະນະປະຫວັດສາດ,ເຮັດໃຫ້ສາຍສຳພັນທາງການທູດລະຫວ່າງສອງປະເທດຫັນເປັນປົກກະຕິ,ອັນໄດ້ເປີດໃໝ່ແຫ່ງການພົວພັນລະຫວ່າງສອງຝ່າຍ.ປະຈຸບັນ,ການພົວພັນລະຫວ່າງຈີນກັບຍີ່ປຸ່ນພວມຢູ່ໃນໄລຍະໃໝ່ແຫ່ງການສ້າງການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດຢ່າງຮອບດ້ານ,ຫວັງໃຫ້ສອງຝ່າຍຖືໂອກາດທີ່ສາຍສຳພັນທາງການທູດຫັນເປັນປົກກະຕິຄົບຮອບ 35 ປີ,ທຳຄວາມພະຍາຍາມຫຼາຍກວ່າເກົ່າ,ຊຸກຍູ້ການພົວພັນລະຫວ່າງສອງປະເທດຂະຫຍາຍຕົວຢ່າງຍາວນານ ປົກກະຕິແລະໜັກແໜ້ນ.
ໃນໂທລະເລກອວຍພອນຂອງທ່ານຢາຊູໂອ ຟູຄູດາຂຽນວ່າ,ເນື່ອງໃນໂອກາດສາຍສຳພັນທາງການທູດຫັນເປັນປົກກະຕິຄົບຮອບ 35 ປີ,ຕັດສິນໃຈເພີ່ມທະວີການຮ່ວມມືກັບຝ່າຍຈີນ,ປະກອບສ່ວນຢ່າງມີລັກສະນະສ້າງສັນໃນການສ້າງການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດແລະເພື່ອສັນຕິພາບ ສະຖຽນລະພາບແລະການພັດທະນາຂອງອາຊີກໍ່ຄືຂອງໂລກ.
|
|
