|
ຈີນຍີ່ປຸ່ນເຫັນວ່າ,ການຫາລືກັນກ່ຽວກັບບັນຫາທະເລຈີນຕາເວັນອອກຮອບ8ແມ່ນມີຜົນປະໂຫຍດ
cri
Author: da
ຕາມຂ່າວສານຊິນຮວາ: ວັນທີ25ພຶດສະພານີ້ ການປຶກສາຫາລືກັນລະຫວ່າງຈີນຍີ່ປຸ່ນກ່ຽວກັບບັນຫາທະເລຈີນຕາເວັນອອກຮອບ8ທີ່ຈັດຂຶ້ນຢູ່ປັກກິ່ງເປັນເວລາ1ມື້ໄດ້ອັດລົງແລ້ວ.ຄະນະຜູ່ແທນຂອງສອງຝ່າຍເຫັນວ່າ,ການປຶກສາຫາລືກັນແມ່ນມີຜົນປະໂຫຍດ,ແລະຕົກລົງຈະຈັດການປຶກສາຫາລືຮອບໃໝ່ໃນທ້າຍເດືອນໜ້າ.
ທ່ານຫູເຈີ້ງເຢ້ ຫົວໜ້າກົມອາຊີກະຊວງການຕ່າງປະເທດຈີນແລະທ່ານເຄນີຊີໂຣ ຊາຊາອີ ຫົວໜ້າກົມອາຊີໂອຊີອານີກະຊວງການຕ່າງປະເທດຍິ່ປຸ່ນຕ່າງໄດ້ນຳພາຄະນະຜູ່ແທນເຂົ້າຮ່ວມການປຶກສາຫາລືກັນເທື່ອນີ້.ສອງຝ່າຍໄດ້ອະທິບາຍທັດສະນະຂອງຝ່າຍຕົນກ່ຽວກັບບັນຫາຮ່ວມກັນພັດທະນາຢູ່ທະເລຈີນຕາເວັນອອກດ້ວຍຮູບການທາງການແລະບໍ່ເປັນທາງການ,ແລະຫາລືກັນຢ່າງເລິກເຊິ່ງ.
ເດືອນເມສາປີນີ້,ຜູ່ນຳສອງປະເທດຈີນຍີ່ປຸ່ນໄດ້ກ້າວເຖິງຂັ້ນມີຄວາມເຫັນສຳຄັນທີ່ເປັນເອກະພາບກັນ 5 ຂໍ້ກ່ຽວກັບບັນຫາທະເລຈີນຕາເວັນອອກ,ຊຶ່ງລວມທັງສອງຝ່າຍຕ້ອງຍຶດໝັ້ນຖືທະເລຈີນຕາເວັນອອກເປັນທະເລສັນຕິພາບໄມຕີຈິດຮ່ວມມື ພ້ອມກັນພັດທະນາຢູ່ເຂດທະເລທີ່ອ່າວກວ້າງທີ່ສອງຝ່າຍລ້ວນແຕ່ຮັບຮອງເອົາໄດ້ ແລະເນື້ອໃນອື່ນໆ.
|
|
